పవర్ స్టార్ పవన్ కళ్యాణ్ వకీల్ సాబ్ చిత్రంతో రీ ఎంట్రీ ఇవ్వగా, ఈ సినిమా మంచి విజయం సాధించింది. ఈ చిత్రం తర్వాత రానాతో కలిసి భీమ్లా నాయక్(Bheemla Nayak) అనే సినిమా చేస్తున్నాడు.సాగర్ కె చంద్ర దర్శకత్వంలో రూపొందుతున్న ఈ సినిమా మలయాళంలో హిట్ అయిన అయ్యప్పనుమ్ కోషియం తెలుగు రీమేక్ గా రూపొందుతోంది. చిత్రానికి భీమ్లా నాయక్ అనే టైటిల్ ఫిక్స్ చేయగా, చిత్రంలో పవన్ పాత్ర పేరు కూడా ఇదే అని తెలుస్తుంది.
ప్రస్తుతం షూటింగ్ జరుపుకుంటున్న ఈ చిత్రంలో నిత్యా మీనన్, సంయుక్త కథానాయికలుగా నటిస్తున్నారు. బుధవారం “భీమ్లా నాయక్” అప్డేట్ ఇచ్చారు. ఈరోజు సాయంత్రం 07:02 గంటలకు “లాలా భీమ్లా” వీడియో సాంగ్ ప్రోమో విడుదలవుతుందని ప్రకటిస్తూ, “ఈ దీపావళిని #TheSoundOfBheemlaతో జరుపుకుందాం. అని ప్రకటించారు. అయితే తాజాగా విడుదల చేసిన పోస్టర్లో పవన్ కళ్యాణ్ నుదుటిపై తిలకం దిద్దుకుని, ముందర మందు బాటిల్ పెట్టుకుని కన్పించారు.ఇది కొంత ఇంట్రెస్టింగ్గా ఉంది. థ్వీరాజ్ సుకుమారన్ పాత్రలో రానా, బిజు మీనన్ పాత్రలో పవన్ కళ్యాణ్ కనిపించబోతున్నారు. ఈ చిత్రం 2022 జనవరి 13న సంక్రాంతి కానుకగా ప్రేక్షకుల ముందుకు రానుంది.