Bhartha Mahasayulaku Wignyapthi | భ‌ర్త మ‌హాశ‌య‌కుల‌కు విజ్ఞప్తి రివ్యూ: రవితేజకి సంక్రాంతి హిట్ పడిందా?

Bhartha Mahasayulaku Wignyapthi | సంక్రాంతి బరిలో టాలీవుడ్ నుంచి భారీ చిత్రాల పోటీ ఉన్నప్పటికీ మాస్ మహారాజా రవితేజ తన మార్క్ ఎంటర్‌టైనర్ ‘భర్త మహాశయులకు విజ్ఞప్తి’తో నేడు ప్రేక్ష‌కుల ముందుకు వ‌చ్చాడు.

Bhartha Mahasayulaku Wignyapthi | వరుసగా మాస్ కథలు చేసిన రవితేజ, వాటికి బ్రేక్ ఇచ్చి చేసిన సినిమా ‘భ‌ర్త మ‌హాశ‌య‌కుల‌కు విజ్ఞప్తి’. సెన్సిబుల్ కథలతో అలరించే కిశోర్ తిరుమ‌ల ద‌ర్శకుడు కావ‌డం, ట్రైలర్ టీజర్ లో ఫ్యామిలీ ఎలిమెంట్స్ కనిపించడం, సంక్రాంతి సీజన్ లో రావడంతో సినిమాపై ఆసక్తి ఏర్పడింది. మరి ఈ సినిమా సంక్రాంతి వినోదం పంచిందా? రవితేజ ఖాతాలో హిట్ పడిందా?

రామసత్యనారాయణ (రవితేజ)తన బిజినెస్ లో భాగంగా స్పెయిన్ వెళ్తాడు. అక్కడ మాన‌స శెట్టి (ఆషికా రంగ‌నాథ్‌)తో స్నేహం ఏర్పడుతుంది. ఇద్దరూ హద్దుదాటి ఓ తప్పటడుగు కూడా వేస్తారు. అయితే రామ్ తనకు పెళ్లయ్యింద‌నే విష‌యాన్ని దాచేస్తాడు. నిజం తెలుసుకున్న మానస ఎలా రియాక్ట్ అయ్యింది? మానస గురించి రామ్ భార్య బాలామణి(డింపుల్) కి తెలిసిందా? రామ్ ఎలాంటి పరిస్థితులు ఎదురుకున్నాడనేది మిగతా కథ.

విశ్లేషణ:
భార్య, ఇష్టపడిన అమ్మాయి మధ్య నలిగిపోయే రామసత్యనారాయణ సత్య కథ ఇది. ఇలాంటి ఇల్లాలు ప్రియురాలు కథలు హెవీ డ్రామా ఎమోషన్ తో వుంటాయి. కానీ దర్శకుడు కిశోర్ హాస్యానికి పెద్దపీట వేస్తూ ఈ కథని నడపడం కొత్తదనం తీసుకొచ్చింది. తొలిసగంలో స్పెయిన్ పోర్షన్ లో వినోదం ఓ మాదిరిగా వుంటుంది. కథ హైదరాబాద్ షిఫ్ట్ అయిన తర్వాత వినోదం జోరు అందుకుంటుంది. సునీల్ రవితేజ మధ్య వచ్చే సీన్స్, అలాగే రోహన్ త్రినేతుడు గా చేసిన అల్లరి, షాపింగ్ మాల్ సీన్ ఇవన్నీ నవ్వులు పంచాయి.

అయితే సెకండ్ హాఫ్ లో కథ, కథనాలుకి బ్రేక్స్ పడ్డాయి. కథలో సంఘర్షణ ప్రేక్షకుడికి అంతగా హత్తుకోదు. పైగా వినోదం కోసం రాసుకున్న సన్నివేశాలు ఫోర్స్ ఫుల్ గా అనిపిస్తాయి. ఇక ఈ కథకు దర్శకుడు ఇచ్చిన ముగింపు కూడా అలరించేలా వుండదు. కథని ప్రేక్షకుడిని హత్తుకునేలా చెప్పే సన్నివేశాలు కుదరలేదు. కేవలం డైలాగులతోనే సరిపెట్టేసిన ఫీలింగ్ కలుగుతుంది.

ఎవరెలా చేశారు ? రామసత్యనారాయణ పాత్రలో రవితేజ ఎనర్జిటిక్ గా కనిపించారు. నిజానికి ఇలాంటి పాత్రలో ఆయన కనిపించి చాలా రోజులైయింది రవితేజ కామెడీ టైమింగ్ గురించి ప్రత్యేకంగా చెప్పాల్సిన అవసరం లేదు. పాటల్లో హుషారుగా కనిపించారు. ఆషికా రంగ‌నాథ్, డింపుల్ హ‌యాతి అందంగా కనిపించారు. సునీల్‌, వెన్నెల కిశోర్‌, స‌త్య, ముర‌ళీధ‌ర్ గౌడ్, రోహ‌న్‌ పాత్రల కొన్ని నవ్వులు పంచాయి.

టెక్నికల్ గా: భీమ్స్ ఇచ్చిన పాటలు హుషారుగా వున్నాయి. నేపధ్య సంగీతం పర్వాలేదనిపిస్తుంది. ప్రసాద్ మూరెళ్ళ కెమరా వర్క్ డీసెంట్ గా వుంది. నిర్మాణ విలువలు రిచ్ వున్నాయి. స్పెయిన్ లో తీసిన విజువల్స్ కలర్ ఫుల్ గా వుంటాయి.

ప్లస్ పాయింట్స్
రవితేజ
ఫస్ట్ హాఫ్ లో కామెడీ
నిర్మాణ విలువలు

మైనస్ పాయింట్స్
సెకండ్ హాఫ్
కథ, కథనంలో బలం తగ్గడం

రేటింగ్: 2.75/ 5

#BMW has to be our first film with unanimous positive talk right from premieres 🔥

Inkenduku waiting, book your tickets! 🥁#BharthaMahasayulakuWignnyapthi pic.twitter.com/H9GhPZSufT

— Trends Raviteja™ (@trends4raviteja) January 13, 2026

1st half done
⚠️Regular stry
Too much better than before 2 releases #BharthaMahasayulakuWignnyapthi https://t.co/gUegY1JPV3

— Arjun (@arjunn4005) January 12, 2026

#BharthaMahasayulakuWignnyapthi first is hilarious 🤣. @RaviTeja_offl is back to his comic sense. Second half will be crucial.

— saisrikar sharma (@saisrikardhava1) January 12, 2026