Oscar Awards | అనోరాకు అవార్డుల పంట.. ఆస్కార్‌ విజేతలు వీళ్లే

ఉత్తమ నటుడిగా ‘ది బ్రూటలిస్ట్‌’లో నటనకుగాను అడ్రియన్‌ బ్రాడీ ఎంపికయ్యారు. ఉత్తమ నటిగా మైకీ మ్యాడిసన్‌ అకాడమీ అవార్డు అందుకున్నారు. బెస్ట్‌ మూవీగా అనోరా ఎంపికవగా, ఆ సినిమాకు దర్శకత్వం వహించిన సీన్‌ బేకర్‌ బెస్ట్‌ డైరెక్టర్‌గా అవార్డు గెలుచుకున్నారు.

లాస్‌ ఏంజిల్స్‌: సినీరంగంలో అత్యంత ప్రతిష్టాత్మకమైన అవార్డు ఆస్కార్ (Oscar Awards)‌. ఈ అత్యున్నత అవార్డును ఒక్కసారైనా అందుకోవాలని ప్రతీ నటుడు, ఆర్టిస్ట్‌, టెక్నీషన్‌ అనుకుంటూ ఉంటారు. అలాంటి అవార్డుల ప్రదానోత్సవం అంగరంగ వైభవంగా జరిగింది. లాస్‌ ఏంజిల్స్‌లోని డాల్బీ థియేటర్‌లో అట్టహాసంగా సాగింది. ఈ వేడుకకు సినీ తారలతోపాటు టెక్నీషియన్స్‌ హాజరయ్యారు. ఉత్తమ సహాయ నటుడితో మొదలైన అవార్డుల ప్రదానోత్సవం బెస్ట్‌ పిక్చర్‌తో ముగిసింది.

ఉత్తమ నటుడిగా ‘ది బ్రూటలిస్ట్‌’లో నటనకుగాను అడ్రియన్‌ బ్రాడీ ఎంపికయ్యారు. ఉత్తమ నటిగా మైకీ మ్యాడిసన్‌ అకాడమీ అవార్డు అందుకున్నారు. బెస్ట్‌ మూవీగా అనోరా ఎంపికవగా, ఆ సినిమాకు దర్శకత్వం వహించిన సీన్‌ బేకర్‌ బెస్ట్‌ డైరెక్టర్‌గా అవార్డు గెలుచుకున్నారు. మొత్తంగా అనోరా సినిమాకు ఐదు అవార్డులు దక్కాయి. ది బ్రూటలిస్ట్‌ సినిమాకు ఉత్తమ నటుడు, సినిమాటోగ్రఫీ విభాగాల్లో ఆస్కార్‌ రాగా, డూన్‌ పార్ట్‌ 2 మూవీకి బెస్ట్‌ సౌండ్, బెస్ట్‌ విజువల్‌ ఎఫెక్ట్స్‌ అవార్టులు వచ్చాయి. ఇక లైవ్‌ యాక్షన్‌ షార్ట్‌ ఫిల్మ్‌ విభాగంలో భారత్‌ నుంచి నామినేట్‌ అయిన ‘అనూజ’ కు నిరాశే ఎదురైంది. ఆ కేటగిరిలో ఐయామ్‌ నాట్‌ ఏ రోబో ఉత్తమ చిత్రంగా నిలిచింది. ఈ 97వ ఆస్కార్‌ అవార్డుల ప్రదానోత్సవ కార్యక్రమానికి వ్యాఖ్యాతగా నటి అమేలియా డిమోల్డెన్‌బర్గ్‌ వ్యవహరించారు.

విజేతలు వీళ్లే..

• ఉత్తమ సినిమా- అనోరా
• ఉత్తమ నటుడు- అడ్రియన్‌ బ్రాడీ (ది బ్రూటలిస్ట్‌)
• ఉత్తమ నటి- మైకీ మ్యాడిసన్‌ (అనోరా)
• బెస్ట్‌ డైరెక్టర్‌- సీన్‌ బేకర్‌ (అనోరా)
• ఉత్తమ సహాయ నటుడు- కీరన్ కైల్‌ కల్కిన్ (ది రియల్ పెయిన్‌)
• ఉత్తమ సహాయ నటి- జోయ్ సాల్దానా (ఎమిలియా పెరెజ్‌)
• ఉత్తమ స్క్రీన్‌ ప్లే- అనోరా (సీన్‌ బేకర్‌)
• ఉత్తమ అడాప్టెడ్‌ స్క్రీన్‌ ప్లే- కాన్‌క్లేవ్‌ (పీటర్‌ స్ట్రాగన్‌)
• బెస్ట్ కాస్ట్యూమ్ డిజైనర్- పాల్ తాజ్‌వెల్ (వికెడ్)
• బెస్ట్ మేకప్, హెయిర్ స్టైల్- ది సబ్‌స్టాన్స్
• ఉత్తమ ఎడిటింగ్- సీన్ బేకర్ (అనోరా)

• బెస్ట్‌ సినిమాటోగ్రఫీ- ది బ్రూటలిస్ట్‌ (లాల్‌ క్రాలే)
• బెస్ట్‌ సౌండ్‌- డ్యూన్‌ 2
• ఉత్తమ విజువల్‌ ఎఫెక్ట్స్‌- డ్యూన్‌ 2
• బెస్ట్ ఒరిజినల్ సాంగ్- ఎల్ మల్ (ఎమిలియా పెరెజ్)
• బెస్ట్‌ ఇంటర్నేషనల్‌ ఫీచర్‌ ఫిల్మ్‌- ఐయామ్‌ స్టిల్‌ హియర్‌ (వాల్టర్‌ సాల్లెస్‌- బ్రెజిల్‌)
• బెస్ట్‌ ఒరిజినల్‌ స్కోర్‌- ది బ్రూటలిస్ట్‌ (డానియల్‌ బ్లమ్‌బెర్గ్‌)
• బెస్ట్ ప్రొడక్షన్ డిజైనింగ్- విక్డ్
• బెస్ట్ యానిమేటెడ్ ఫీచర్‌ ఫిల్మ్‌- ఫ్లో
• బెస్ట్‌ డాక్యుమెంటరీ ఫీచర్‌ ఫిల్మ్‌- నో అదర్‌ ల్యాండ్
• బెస్ట్‌ యానిమేటెడ్‌ షార్ట్‌ ఫిల్మ్‌- ఇన్‌ ది షాడో ఆఫ్‌ ది సైప్రెస్‌
• బెస్ట్‌ లైవ్‌ యాక్షన్‌ షార్ట్‌ ఫిల్మ్‌- ఐయామ్‌ నాట్‌ ఏ రోబో
• బెస్ట్‌ డ్యాక్యుమెంటరీ షార్ట్‌ ఫిల్మ్‌- ది ఓన్లీ గర్ల్‌ ఇన్‌ ది ఆర్కెస్ట్రా