Band Melam | ‘బ్యాండ్ మేళం’ వాలెంటైన్స్ గ్లింప్స్ వైరల్.. రోషన్–శ్రీదేవి ఎమోషనల్ లవ్ స్టోరీపై పెరిగిన అంచ‌నాలు

Band Melam |టాలీవుడ్ యంగ్ పెయిర్ హ‌ర్ష్‌ రోషన్, శ్రీదేవి జంటగా నటిస్తున్న లేటెస్ట్ లవ్ అండ్ ఎమోషనల్ ఎంటర్‌టైనర్ బ్యాండ్ మేళం పై రోజురోజుకీ ఆసక్తి పెరుగుతోంది. కొత్త దర్శకుడు సతీష్ జవ్వాజి తెరకెక్కిస్తున్న ఈ చిత్రాన్ని టాలీవుడ్ ప్రముఖ రచయిత కోన వెంకట్ సమర్పిస్తున్నారు. కోన ఫిలిం కార్పొరేషన్ బ్యానర్‌పై కావ్య, శ్రావ్యలు నిర్మిస్తున్న ఈ సినిమా ప్రస్తుతం యువ ప్రేక్షకుల్లో మంచి బజ్ సొంతం చేసుకుంది.

Band Melam |టాలీవుడ్ యంగ్ పెయిర్ హ‌ర్ష్‌ రోషన్, శ్రీదేవి జంటగా నటిస్తున్న లేటెస్ట్ లవ్ అండ్ ఎమోషనల్ ఎంటర్‌టైనర్ బ్యాండ్ మేళం పై రోజురోజుకీ ఆసక్తి పెరుగుతోంది. కొత్త దర్శకుడు సతీష్ జవ్వాజి తెరకెక్కిస్తున్న ఈ చిత్రాన్ని టాలీవుడ్ ప్రముఖ రచయిత కోన వెంకట్ సమర్పిస్తున్నారు. కోన ఫిలిం కార్పొరేషన్ బ్యానర్‌పై కావ్య, శ్రావ్యలు నిర్మిస్తున్న ఈ సినిమా ప్రస్తుతం యువ ప్రేక్షకుల్లో మంచి బజ్ సొంతం చేసుకుంది. ప్రేమికుల దినోత్సవాన్ని పురస్కరించుకుని చిత్రబృందం ‘బ్యాండ్ మేళం’ స్పెషల్ గ్లింప్స్‌ను విడుదల చేసింది. ఈ గ్లింప్స్‌లో హీరో తన ప్రేమను వ్యక్తపరుస్తూ చెప్పిన ఎమోషనల్ డైలాగ్స్ ప్రేక్షకులను హత్తుకునేలా ఉన్నాయి.

రొమాంటిక్ టోన్‌తో పాటు భావోద్వేగ సన్నివేశాలు సినిమాపై ఆసక్తిని మరింత పెంచాయి. విడుదలైన కొన్ని గంటల్లోనే ఈ గ్లింప్స్ సోషల్ మీడియాలో వైరల్ అవ్వడం విశేషం. ‘బ్యాండ్ మేళం’ పూర్తి స్థాయి ప్రేమకథగా ఉండబోతున్నప్పటికీ, ఇందులో కుటుంబ భావోద్వేగాలకు కూడా పెద్దపీట వేసినట్లు గ్లింప్స్ చూస్తే అర్థమవుతోంది. యువతను ఆకట్టుకునే రొమాన్స్‌తో పాటు హృదయాన్ని తాకే ఎమోషనల్ కంటెంట్ ఈ సినిమాకు ప్రధాన బలంగా నిలవనుందని సినీ వర్గాలు చెబుతున్నాయి. ఇంతకుముందు ‘కోర్ట్’ సినిమాతో మంచి గుర్తింపు తెచ్చుకున్న రోషన్–శ్రీదేవి జంట మరోసారి ప్రేక్షకుల ముందుకు రావడం ఈ ప్రాజెక్ట్‌కు ప్లస్ పాయింట్‌గా మారింది. ఆ సినిమాతో ఏర్పడిన క్రేజ్ ‘బ్యాండ్ మేళం’పై కూడా ప్రభావం చూపుతుందని ట్రేడ్ వర్గాలు భావిస్తున్నాయి.

ఈ చిత్రం మార్చి 13న థియేటర్లలో విడుదల కానుంది. ఇప్పటికే గ్లింప్స్‌కు వస్తున్న స్పందన చూస్తే సినిమా ఓపెనింగ్స్ బాగానే ఉండే అవకాశం కనిపిస్తోంది. కొత్త దర్శకుడి విజన్, కోన వెంకట్ సపోర్ట్, యంగ్ జంట కెమిస్ట్రీ అన్నీ క‌ల‌గ‌లిసి ‘బ్యాండ్ మేళం’ను యూత్‌ఫుల్ రొమాంటిక్ ఎంటర్‌టైనర్‌గా నిలబెట్టే అవకాశముందని ఇండస్ట్రీలో చర్చ నడుస్తోంది. మొత్తానికి వాలెంటైన్స్ డే సందర్భంగా వచ్చిన ఈ గ్లింప్స్ సినిమాపై అంచనాలను పెంచగా, మార్చి విడుదలకు ముందు ‘బ్యాండ్ మేళం’ మంచి హైప్ సంపాదించిందని చెప్పొచ్చు. ఇప్పుడు ఆడియన్స్ నుంచి ఎలాంటి స్పందన వస్తుందో చూడాలి.