అటు విడుదల.. ఇటు ప్రారంభోత్సవం

అగ్ర కథానాయకుడు బాలకృష్ణ నటిస్తున్న డివోషనల్‌ యాక్షన్‌ ఎంటైర్టెనర్‌ ‘అఖండ 2’. బ్లాక్‌ బాస్టర్‌ ‘అఖండ’కు ఇది సీక్వెల్‌. బోయపాటి శ్రీను దర్శకుడు. రామ్‌ ఆచంట గోపీచంద్‌ ఆచంట నిర్మాతలు. డిసెంబర్‌ 5న పాన్‌ ఇండియా స్థాయిలో సినిమా విడుదల కానుంది.

అగ్ర కథానాయకుడు బాలకృష్ణ నటిస్తున్న డివోషనల్‌ యాక్షన్‌ ఎంటైర్టెనర్‌ ‘అఖండ 2’. బ్లాక్‌ బాస్టర్‌ ‘అఖండ’కు ఇది సీక్వెల్‌. బోయపాటి శ్రీను దర్శకుడు. రామ్‌ ఆచంట గోపీచంద్‌ ఆచంట నిర్మాతలు. డిసెంబర్‌ 5న పాన్‌ ఇండియా స్థాయిలో సినిమా విడుదల కానుంది. ఈ విషయాన్ని ప్రకటిస్తూ ఓ పోస్టర్‌ని కూడా మేకర్స్‌ విడుదల చేశారు.

ఈ సీక్వెల్‌ ఓ గొప్ప సినిమాటిక్‌ ఎక్స్‌పీరియన్స్‌ అందించబోతున్నదని మేకర్స్‌ తెలిపారు. లాంగ్‌ హెయిర్‌, రగ్గడ్‌ బీర్డ్‌, రుద్రాక్షాభరణాలు, చేతిలో త్రిశూలం, గోధుమరంగు, కాషాయంతో కూడిన సంప్రదాయ దుస్తులు.. వీటన్నింటితో శక్తివంతుడైన అఘోరీగా ఈ పోస్టర్‌లో బాలకృష్ణ కనిపిస్తున్నారు. ఓ డివైన్‌ వైబ్‌ను జోడించేలా ఆయన లుక్‌ ఉంది. ప్రకాశవంతమైన మంచు పర్వతాల నేపథ్యం ఈ పోస్టర్‌కు స్పెషల్‌ అట్రాక్షన్‌. ఆది పినిశెట్టి, సంయుక్తమీనన్‌, హర్షాలి మల్హోత్రా ఇందులో కీలక పాత్రధారులు.

తమన్‌ సంగీతాన్ని అందిస్తున్న ఈ చిత్రాన్ని ఎం.తేజస్వినీ నందమూరి సమర్పిస్తున్న విషయం తెలిసిందే. ఇదిలావుంటే.. ఈ దసరా సందర్భంలోనే మలినేని గోపీచంద్‌ దర్శకత్వంలో తాను నటించబోతున్న సినిమాకు సంబంధించిన ప్రారంభ ముహూర్తాన్ని కూడా ప్రకటించేశారు బాలకృష్ణ. ఈ నెల 24న ఈ సినిమా ఓపెనింగ్‌ గ్రాండ్‌గా జరుగనున్నది. హిస్టారికల్‌ ఎపిక్‌ జానర్‌లో రూపొందనున్న ఈ సినిమాలో ఇంతకు ముందు చూడని కొత్త అవతారంలో బాలకృష్ణను చూపించనున్నామని మలినేని గోపీచంద్‌ తెలిపారు. వృద్ధి సినిమాస్‌ పతాకంపై వెంకట సతీశ్‌ కిలారు ఈ చిత్రాన్ని నిర్మిస్తున్నారు.