చాటుగ రమ్మనీ సైగ చేసే చిన్నదీ..

అల్లరి నరేశ్‌ ఉద్వేగపూరితమైన పాత్ర పోషించిన యూనిక్‌ యాక్షన్‌ ఎంటర్‌టైనర్‌ ‘బచ్చలమల్లి’. అమృత అయ్యర్‌ కథానాయిక.

అల్లరి నరేశ్‌ ఉద్వేగపూరితమైన పాత్ర పోషించిన యూనిక్‌ యాక్షన్‌ ఎంటర్‌టైనర్‌ ‘బచ్చలమల్లి’. అమృత అయ్యర్‌ కథానాయిక. సుబ్బు మంగదేవి దర్శకత్వంలో రాజేశ్‌ దండా, బాలాజీ గుత్తా నిర్మిస్తున్న ఈ చిత్రం సెప్టెంబర్‌లో విడుదల కానుంది. ఈ సందర్భంగా మేకర్స్‌ ఈ సినిమా ప్రమోషన్‌ని మొదలుపెట్టారు. ఇందులో భాగంగా ఈ సినిమాలోని తొలి పాటను విడుదల చేశారు. ‘

మాఊరి జాతరలో కాటుక కళ్లతో.. చాటుగ రమ్మనీ సైగే చేసే చిన్నదీ..’ అంటూ సాగే ఈ పాటను శ్రీమణి రాయగా, విశాల్‌ చంద్రశేఖర్‌ స్వరపరిచి సింధూరితో కలిసి ఆలపించారు. అల్లరి నరేశ్‌, అమృత అయ్యర్‌ పాత్రల ప్రేమను ఆవిష్కరిస్తూ ఈ పాట సాగింది. హీరోహీరోయిన్ల కెమిస్ట్రీ, దానికి తగ్గట్టు విజువల్స్‌ అన్నీ అద్భుతంగా కుదిరాయని, ఈ సినిమాలో చాలా కీలకంగా వచ్చే పాట ఇదని మేకర్స్‌ చెబుతున్నారు. రోహిణి, రావురమేశ్‌, అచ్యుత్‌కుమార్‌, బలగం జయరామ్‌ తదితరులు ఇతర పాత్రలు పోషిస్తున్న ఈ చిత్రానికి కెమెరా: రిచర్డ్‌ ఎం.నాథన్‌, నిర్మాణం: హాస్య మూవీస్‌.