సైబర్‌ క్రైమ్‌ పోలీసులను ఆశ్రయించిన అనుపమ.. ఎందుకంటే?

సోషల్‌ మీడియా వేదికగా తనను వేధింపులకు గురి చేస్తున్న వారిపై చర్యలు తీసుకోవాలంటూ నటి అనుపమ పరమేశ్వరన్‌ కేరళ సైబర్‌ క్రైమ్‌ పోలీసుల్ని ఆశ్రయించారు. ఈ సందర్భంగా ఆమె మాట్లాడుతూ ‘ఓ ఇన్‌స్టా ప్రొఫైల్‌ కొన్ని రోజుల క్రితం నా దృష్టికొచ్చింది.

సోషల్‌ మీడియా (Social Media) వేదికగా తనను వేధింపులకు గురి చేస్తున్న వారిపై చర్యలు తీసుకోవాలంటూ నటి అనుపమ పరమేశ్వరన్‌ (Anupama Parameswaran) కేరళ సైబర్‌ క్రైమ్‌ పోలీసుల్ని ఆశ్రయించారు. ఈ సందర్భంగా ఆమె మాట్లాడుతూ ‘ఓ ఇన్‌స్టా ప్రొఫైల్‌ కొన్ని రోజుల క్రితం నా దృష్టికొచ్చింది. నేను, నా ఫ్యామిలీ, నా సహనటులే లక్ష్యంగా అసత్య ప్రచారాలతో కూడిన పోస్టులు ఆ ప్రొఫైల్‌లో కనిపించాయి. అందులో కొన్ని మార్ఫింగ్‌ ఫొటోలు కూడా ఉన్నాయి. నాపై ద్వేషంతో కొన్ని ఫేక్‌ అకౌంట్లను కూడా ఆ వ్యక్తి సృష్టించినట్టు తెలిసి షాకయ్యా. బాధపడ్డాను కూడా.

ఈ వ్యవహారం శృతి మించకూడదనే పోలీసులను ఆశ్రయించా. వారు కూడా వెంటనే స్పందించారు. చట్టవ్యతిరేకమైన ఈ చర్యలకు పాల్పడ్డ వ్యక్తిని వారు సత్వరమే కనిపెట్టారు. అయితే.. బాధ కలిగించే విషయం ఏంటంటే.. ఈ తప్పు చేసిన వ్యక్తి ఓ స్త్రీ. పైగా ఆమె 20ఏళ్ల యువతి. ఆమెది చాలా చిన్నవయసు. అందుకే.. ఆమె భవిష్యత్‌ పాడవ్వకూడదని వివరాలు పంచుకోవడం లేదు.’ అంటూ చెప్పుకొచ్చారు అనుపమ పరమేశ్వరన్‌.