Anant Weds Radhika | అనంత్‌ అంబానీ వెడ్డింగ్‌కు సూప‌ర్‌స్టార్ మహేశ్ బాబు.. న్యూ లుక్ వైరల్

Anant Weds Radhika | అనంత్‌ అంబానీ (Anant Ambani) – రాధికా మర్చెంట్‌ (Radhika Merchant ) గ్రాండ్‌ వెడ్డింగ్‌కు సమయం ఆసన్నమైంది. గత ఏడు నెలలుగా సాగిన ఈ పెళ్లి తంతు చివరి అంకానికి చేరుకుంది. నేడు ముంబై బాంద్రా కుర్లా ప్రాంతంలోని జియో వరల్డ్ కాంప్లెక్స్‌ ఈ జంట అత్యంత ఘనంగా వివాహ బంధంతో ఒక్కటి కాబోతోంది.

July 12, 2024 / 06:01 PM IST

Anant Weds Radhika | అనంత్‌ అంబానీ వెడ్డింగ్‌కు సూప‌ర్‌స్టార్ మహేశ్ బాబు.. న్యూ లుక్ వైరల్

Anant Weds Radhika | అనంత్‌ అంబానీ (Anant Ambani) – రాధికా మర్చెంట్‌ (Radhika Merchant ) గ్రాండ్‌ వెడ్డింగ్‌కు సమయం ఆసన్నమైంది. గత ఏడు నెలలుగా సాగిన ఈ పెళ్లి తంతు చివరి అంకానికి చేరుకుంది. నేడు ముంబై బాంద్రా కుర్లా ప్రాంతంలోని జియో వరల్డ్ కాంప్లెక్స్‌ ఈ జంట అత్యంత ఘనంగా వివాహ బంధంతో ఒక్కటి కాబోతోంది. ఇక ఈ వేడుక‌కు దేశ, విదేశాల నుంచి వివిధ రంగాలకు చెందిన ప్రముఖులు, సెలబ్రిటీలను ఆహ్వానించారు. దీంతో జియో వరల్డ్‌ కన్వెన్షన్‌ సెంటర్ కు సెలబ్రిటీలు క్యూ కట్టారు. ఇప్ప‌టికే టాలీవుడ్ నుంచి పలువురు సినీ ప్ర‌ముఖులు ఈ వివాహానికి హాజ‌రు కాబోతున్న విష‌యం తెలిసిందే.

తాజాగా తెలుగు సూప‌ర్‌స్టార్ మ‌హేశ్ బాబు తన భార్య నమ్రతా శిరోద్కర్ శుక్రవారం ముంబై చేరుకున్నారు. హైద‌రాబాద్ నుంచి మ‌హేశ్ ముంబై వెళుతుండ‌గా ఎయిర్‌పోర్ట్‌లో మీడియా కంటా ప‌డ్డారు. ఈ వీడియోలో మ‌హేశ్ న్యూస్టైల్‌లో అద‌ర‌గోడుతున్నాడు. ఇక మహేశ్ న్యూస్టైల్ చూసి అభిమానులు ఖుషీ అవుతున్నారు. ఇక మ‌హేశ్ సినిమా విష‌యానికి వ‌స్తే.. ప్ర‌స్తుతం ద‌ర్శ‌క దిగ్గ‌జం రాజ‌మౌళితో ఒక సినిమా చేయ‌బోతున్నాడు. ఈ సినిమా త్వ‌ర‌లోనే ప్రారంభం కానుంది.

ఇక అనంత్‌ అంబానీ – రాధికా మర్చెంట్‌ వివాహానికి ముంబై నడిబొడ్డున ఉన్న బాంద్రా కుర్లా ప్రాంతంలోని జియో వరల్డ్‌ సెంటర్‌ వేదికైంది. ఈ వేడుకకు దేశ విదేశాల నుంచి రాజకీయ నేతలు, పారిశ్రామిక వేత్తలు, క్రీడా ప్రముఖులు అతిథులుగా తరలివస్తున్నారు. హాలీవుడ్‌, బాలీవుడ్‌, టాలీవుడ్‌, కోలీవుడ్‌ సినీ ప్రముఖులు సైతం ఈ వేడుకల్లో పాలుపంచుకోనున్నారు. ఇవాళ ముఖ్య ఘట్టమైన ‘శుభ్‌ వివాహ్‌’తో మొదలయ్యే ఈ గ్రాండ్‌ వెడ్డింగ్‌.. 13న ‘శుభ్‌ ఆశీర్వాద్‌’, 14న ‘మంగళ్‌ ఉత్సవ్‌’తో ముగియనున్నాయి.