Visit:
Naveen Polishetty | టాలీవుడ్లో సంక్రాంతి బరిలో విడుదలైన చిత్రాల్లో స్టార్ ఎంటర్టైనర్ నవీన్ పోలిశెట్టి హీరోగా నటించిన ‘అనగనగా ఒక రాజు’ (Anaganaga Oka Raju) ప్రత్యేక గుర్తింపు సంపాదించుకుంది. మీనాక్షి చౌదరి హీరోయిన్గా నటించగా, దర్శకుడు మారి ఈ సినిమాను వినూత్నంగా తెరకెక్కించారు. పండుగ సీజన్కు తగ్గట్లుగా కుటుంబ ప్రేక్షకులతో పాటు యువతను ఆకట్టుకునేలా రూపొందిన ఈ సినిమా విడుదలైనప్పటి నుంచే పాజిటివ్ టాక్తో దూసుకుపోతోంది.కల్ట్ ఎంటర్టైనర్గా నిలిచిన ఈ చిత్రం, ప్రేక్షకుల నుంచి మంచి ఆదరణ పొందుతూ భారీ సక్సెస్ వైపు దూసుకెళ్తోంది.
ప్రపంచవ్యాప్తంగా మూడు రోజుల రన్ను పూర్తి చేసుకున్న ఈ సినిమా ఇప్పటికే రూ.50 కోట్ల క్లబ్లోకి ఎంట్రీ ఇచ్చింది. తాజా సమాచారం ప్రకారం, తొలి మూడు రోజుల్లోనే ఈ చిత్రం మొత్తం రూ.61.1 కోట్ల గ్రాస్ వసూళ్లు సాధించినట్లు మేకర్స్ అధికారికంగా ప్రకటించారు.బాక్సాఫీస్ వద్ద ‘అనగనగా ఒక రాజు’ మొదటి రోజు నుంచే స్ట్రాంగ్ పెర్ఫార్మెన్స్ ఇస్తోంది. సగటున రోజుకు రూ.20 కోట్ల గ్రాస్ను రాబడుతూ రావడం విశేషంగా మారింది. ముఖ్యంగా ఫ్యామిలీ ఆడియన్స్తో పాటు నవీన్ పోలిశెట్టి కామెడీ టైమింగ్కు ఫ్యాన్స్ నుంచి మంచి స్పందన లభిస్తోంది. సంక్రాంతి సెలవులు కావడంతో థియేటర్లలో హౌస్ఫుల్ షోలు కొనసాగుతుండటంతో వసూళ్లు మరింత పెరిగే అవకాశాలు కనిపిస్తున్నాయి.
దేశీయ మార్కెట్తో పాటు ఓవర్సీస్లోనూ ఈ సినిమా ప్రభావం స్పష్టంగా కనిపిస్తోంది. ముఖ్యంగా యూఎస్ మార్కెట్లో ఈ చిత్రం స్ట్రాంగ్ కలెక్షన్స్తో దూసుకుపోతోంది. నవీన్ పోలిశెట్టికు అక్కడ ఉన్న క్రేజ్కు అనుగుణంగా షోలు మంచి ఆక్యుపెన్సీతో నడుస్తున్నాయి. ట్రేడ్ వర్గాల అంచనాల ప్రకారం, ఇదే ఊపు కొనసాగితే ‘అనగనగా ఒక రాజు’ త్వరలోనే రూ.100 కోట్ల గ్రాస్ క్లబ్లోకి చేరడం ఖాయంగా కనిపిస్తోంది. సినిమా టెక్నికల్ టీమ్ కూడా ఈ విజయానికి ప్రధాన కారణంగా నిలిచింది. మిక్కీ జే మేయర్ అందించిన సంగీతం కథకు మరింత బలం చేకూర్చగా, పాటలు మరియు బ్యాక్గ్రౌండ్ స్కోర్ ప్రేక్షకులను ఆకట్టుకుంటున్నాయి. సితార ఎంటర్టైన్మెంట్స్, ఫార్చూన్ ఫోర్ సినిమాస్ బ్యానర్లపై రూపొందిన ఈ సినిమా నిర్మాణ విలువల పరంగా కూడా మెప్పిస్తోంది.
