Hrithik Roshan | హృతిక్ రోషన్ కొత్త సాహసం.. సోదరుడు ఈషాన్‌తో కలిసి క్రేజీ కామెడీ మూవీ!

Mess Movie | బాలీవుడ్ స్టార్ హీరో హృతిక్ రోషన్ తన సోదరుడు ఈషాన్ రోషన్‌తో కలిసి సినీ నిర్మాణ రంగంలో సరికొత్త అడుగులు వేస్తున్నాడు.

Mess Movie | బాలీవుడ్ స్టార్ హీరో హృతిక్ రోషన్ తన సోదరుడు ఈషాన్ రోషన్‌తో కలిసి సినీ నిర్మాణ రంగంలో సరికొత్త అడుగులు వేస్తున్నాడు. వీరిద్దరి కలయికలో ‘మెస్’ (Mess) అనే క్రేజీ కామెడీ ఎంటర్టైనర్ రాబోతుండ‌గా.. హృతిక్ రోషన్ తన సొంత బ్యానర్ ‘HRX ఫిలిమ్స్’ ద్వారా ఈ చిత్రాన్ని నిర్మిస్తున్నాడు. ఈషాన్ రోషన్ ఈ ప్రాజెక్టులో కీలక భాగస్వామిగా వ్యవహరిస్తున్నాడు.

ఈ సినిమా కథ విష‌యానికి వ‌స్తే . ఒక దొంగల ముఠా ఒక ఇంట్లోకి చోరీ కోసం ప్రవేశించగా, ఆ ఇంటి యజమాని OCDతో బాధపడుతుంటాడు. అయితే ఇంటి యజమాని పెట్టే తిప్పలకు దొంగలు ఎలా ఇబ్బంది పడ్డారు, అక్కడి నుంచి వారు ఎలా తప్పించుకున్నారనే అంశాలతో దర్శకుడు రాజేష్ కృష్ణన్ పూర్తిస్థాయి కామెడీతో ఈ సినిమాను తెరకెక్కిస్తున్నారు. రాజేష్ కృష్ణన్ గతంలో ‘లూట్‌కేస్’, ‘క్రూ’ వంటి చిత్రాల‌తో విజయాలు అందుకున్నాడు.

మ‌రోవైపు హృతిక్ రోషన్ తన సోదరుడిని నిర్మాతగా పరిచయం చేస్తూ అమెజాన్ ప్రైమ్ వీడియో కోసం ఈ భారీ ప్రాజెక్టును పట్టాలెక్కించడం ప్రస్తుతం బాలీవుడ్‌లో హాట్ టాపిక్ అయింది. వీరు ఇప్పటికే ప్రైమ్ వీడియోతో కలిసి ‘స్టార్మ్’ అనే వెబ్ సిరీస్‌ను కూడా ప్రకటించారు. నేరుగా ఓటీటీ ప్లాట్‌ఫారమ్‌లో విడుదల కానున్న ఈ ‘మెస్’ సినిమా షూటింగ్ త్వరలోనే ప్రారంభం కానుంది. త్వరలోనే ఈ చిత్రంలో నటించబోయే ఇతర నటీనటుల వివరాలను చిత్ర యూనిట్ అధికారికంగా వెల్లడించనుంది.