Amitabh Bachchan | అమితాబ్ బచ్చన్ 84వ పుట్టినరోజు వేడుకలు.. ముంబైలోని జల్సా వద్ద కోలాహలం

Amitabh Bachchan | బాలీవుడ్ లెజెండరీ నటుడు అమితాబ్ బచ్చన్ 84వ పుట్టినరోజు వేడుకలు ముంబైలోని ఆయన నివాసం 'జల్సా' వెలుపల అత్యంత వైభవంగా జరిగాయి.

Amitabh Bachchan | బాలీవుడ్ లెజెండరీ నటుడు అమితాబ్ బచ్చన్ 84వ పుట్టినరోజు వేడుకలు ముంబైలోని ఆయన నివాసం ‘జల్సా’ వెలుపల అత్యంత వైభవంగా జరిగాయి. అక్టోబర్ 11న ఆదివారం కావడంతో అభిమానులు పెద్ద ఎత్తున తరలివచ్చి పాటలు పాడుతూ, నృత్యాలు చేస్తూ సందడి చేశారు. అమితాబ్ ఐకానిక్ చిత్రాల పోస్టర్లు, భారీ కటౌట్లతో అభిమానులు తమ అభిమానాన్ని చాటుకున్నారు.

ఒక అభిమాని ఆయన బ్లాక్ బస్టర్ చిత్రం ‘డాన్’లోని ‘మై హూ డాన్’ పాటను పాడుతూ, 84 సంఖ్యతో కూడిన పోస్టర్‌ను పట్టుకుని అందరి దృష్టిని ఆకర్షించారు. ఈ వేడుకల్లో చిన్నపిల్లలు కూడా ఉత్సాహంగా పాల్గొని కుటుంబ సమేతంగా ఉన్న అమితాబ్ పోస్టర్లతో ఫొటోలు దిగారు. ప్రతి ఏటా అమితాబ్ పుట్టినరోజున ముంబైలోనే కాకుండా దూర ప్రాంతాల నుంచి కూడా అభిమానులు వచ్చి తమ ఆరాధ్య నటుడిపై ఉన్న ప్రేమను చాటుకోవడం ఆనవాయితీగా వస్తోంది. ప్ర‌స్తుతం ఇందుకు సంబంధించిన వీడియోలు వైర‌ల్‌గా మారాయి.