Allari Naresh | అల్లరి నరేశ్ ‘కనక దుర్గ’ గ్రాండ్ లాంచ్.. ఓపెనింగ్‌కి వ‌చ్చిన టాలీవుడ్ లేడి సూపర్ స్టార్స్ ఎవ‌రంటే..!

Allari Naresh | టాలీవుడ్ అల్లరోడు అల్లరి నరేశ్ హీరోగా రూపొందుతున్న తాజా చిత్రం కనక దుర్గ ఘనంగా ప్రారంభమైంది. విభిన్నమైన కథాంశంతో తెరకెక్కుతున్న ఈ సినిమాకు ప్రదీప్ మద్దాలి దర్శకత్వం వహిస్తున్నారు. ఇటీవల నిర్వహించిన పూజా కార్యక్రమాలతో ఈ చిత్రాన్ని అధికారికంగా ప్రారంభించారు.

Allari Naresh | టాలీవుడ్ అల్లరోడు అల్లరి నరేశ్ హీరోగా రూపొందుతున్న తాజా చిత్రం కనక దుర్గ ఘనంగా ప్రారంభమైంది. విభిన్నమైన కథాంశంతో తెరకెక్కుతున్న ఈ సినిమాకు ప్రదీప్ మద్దాలి దర్శకత్వం వహిస్తున్నారు. ఇటీవల నిర్వహించిన పూజా కార్యక్రమాలతో ఈ చిత్రాన్ని అధికారికంగా ప్రారంభించారు. ఈ ప్రారంభోత్సవ వేడుకకు మెగాస్టార్ కుటుంబం తరఫున సురేఖ ముఖ్య అతిథిగా హాజరై కెమెరా స్విచ్ ఆన్ చేసి చిత్రాన్ని లాంఛనంగా ప్రారంభించారు. ఆమె సమక్షంలో జరిగిన ఈ కార్యక్రమం చిత్ర యూనిట్‌కు మంచి శుభారంభంగా మారింది. ఈ వేడుకలో సినీ రంగానికి చెందిన పలువురు ప్రముఖులు పాల్గొని చిత్ర యూనిట్‌కు శుభాకాంక్షలు తెలిపారు. ముఖ్యంగా దిల్ రాజు కుటుంబ సభ్యులు ఆయన భార్య తేజస్విని, కుమార్తె హన్షిత రెడ్డి, అలాగే స్వప్న దత్, అల్లరి నరేశ్ భార్య విరూప తదితరులు ఒకే వేదికపై కనిపించడం ఆకర్షణగా నిలిచింది.

‘కనక దుర్గ’ అనే పవర్‌ఫుల్ టైటిల్‌తో వస్తున్న ఈ చిత్రం కథ పరంగా బలమైన కంటెంట్‌తో రూపొందుతున్నట్లు సమాచారం. అల్లరి నరేశ్ తన కెరీర్‌లో మరోసారి కొత్త కోణాన్ని చూపించబోతున్నారని సినీ వర్గాలు భావిస్తున్నాయి. కామెడీకి ప్రసిద్ధి చెందిన ఆయన, ఇటీవలి కాలంలో విభిన్న పాత్రలను ఎంచుకుంటూ నటుడిగా తన పరిధిని విస్తరించుకుంటున్నారు. ప్రారంభోత్సవానికి సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. ప్రముఖుల సమక్షంలో జరిగిన ఈ గ్రాండ్ లాంచ్ సినిమాపై ఆసక్తిని మరింత పెంచింది.

చిత్ర యూనిట్ త్వరలోనే రెగ్యులర్ షూటింగ్‌ను ప్రారంభించేందుకు సిద్ధమవుతోంది. కథ, నటీనటులు, టెక్నికల్ టీమ్‌పై మరిన్ని వివరాలు త్వరలో వెల్లడించే అవకాశం ఉంది. మొత్తానికి, కనక దుర్గ చిత్రం ప్రారంభ దశ నుంచే మంచి బజ్ సృష్టించడంతో, అల్లరి నరేశ్ అభిమానులు ఈ సినిమాను ఆసక్తిగా ఎదురుచూస్తున్నారు.గ‌త కొంత కాలంగా అల్ల‌రి న‌రేష్‌కి స‌రైన హిట్స్ ప‌డ‌డం లేదు. ఈ క్ర‌మంలో ఈ మూవీ కోసం ఫ్యాన్స్ ఎంతో ఆస‌క్తిగా ఎదురు చూస్తున్నారు.