అకీరా నందన్‌ను పరిచయం చేసే నిర్మాత అతనేనా..?

అకీరా నంద‌న్.. ఈ పేరుకు తెలుగులో చాలా ఇమేజ్ ఉంది. దీనికి కార‌ణం అత‌డు ప‌వ‌న్ క‌ల్యాణ్ కుమారుడు కావ‌డ‌మే. ప‌వ‌న్, రేణు దేశాయ్ దంప‌తుల పుత్రుడే అకీరా నంద‌న్.

May 31, 2021 / 10:09 PM IST

అకీరా నందన్‌ను పరిచయం చేసే నిర్మాత అతనేనా..?

అకీరా నంద‌న్.. ఈ పేరుకు తెలుగులో చాలా ఇమేజ్ ఉంది. దీనికి కార‌ణం అత‌డు ప‌వ‌న్ క‌ల్యాణ్ కుమారుడు కావ‌డ‌మే. ప‌వ‌న్, రేణు దేశాయ్ దంప‌తుల పుత్రుడే అకీరా నంద‌న్. ఈ కుర్రాడు కొన్ని రోజులుగా హైదరాబాద్ లోనే ఉంటున్నాడు. అప్పట్లో అమ్మతో కలిసి పూణేలో ఉన్న అకీరా.. ఇప్పుడు చెల్లితో కలిసి సిటీలోనే ఉంటున్నాడు. చిన్ననాటి నుంచి కూడా అకీరా నందన్ బయటికి వస్తూనే ఉన్నాడు. ఫోటోలు కనిపిస్తూనే ఉన్నాయి. అయితే ఒక్కసారిగా ఈయన ఎదిగిపోయిన తీరు చూసి అంతా షాక్ అయ్యారు. కొన్ని రోజులుగా అకీరా ఎక్కడ కనిపించినా కూడా వారెవ్వా అంటున్నారు మెగా ఫ్యాన్స్. ఈ కుటుంబంలో వరుణ్ తేజ్ కంటే హైట్ అయిపోయాడు ఈయన. తాజాగా మరోసారి అకీరా నందన్ లేటెస్ట్ ఫోటోస్ బయటికి వచ్చాయి.

తండ్రి పవన్ క‌ల్యాణ్ తో కలిసి మ్యూజిక్ క్లాసులకు అటెండ్ అవుతున్నాడు అకీరా. అక్కడ తన తండ్రిని మించిపోయాడు అకీరా. కొడుకు భుజాల దగ్గరికి వచ్చాడు పవన్. ఆ హైట్ వెయిట్ చూసి తాము ఇంక వెయిట్ చేయలేం అంటున్నారు పవన్ అభిమానులు. త్వరగా అకీరా నందన్ ను లాంఛ్ చేసేయండి అంటున్నారు. ఈ ఫోటోలో పవన్ కూతురు ఆధ్య కూడా ఉంది. ఈ చిన్నారి కూడా ఇప్పుడు చాలా ఎదిగిపోయింది. మొన్న‌టి వ‌ర‌కు చిన్న పిల్లల్లా ఉన్న పవన్ బిడ్డలను చూసి ఇప్పుడు ఇంత ఎదిగిపోయారా అంటూ సంబ‌రాలు చేసుకుంటున్నారు అభిమానులు. ప‌వ‌న్ అత‌డికి ఆస్తులు ఇవ్వ‌క‌పోయినా ప‌ర్లేదు.. పేరు ఇచ్చాడు చాలు. రేపు ఫ్యూచ‌ర్ లో ప‌వ‌న్ కొడుకు అనే బ్రాండ్ తోనే అకీరా స్టార్ అయిపోయినా ఆశ్చ‌ర్య‌ప‌డాల్సిన ప‌నిలేదు.

ఇదిలా ఉంటే అకీరా నందన్ ఎప్పుడు సినిమాలు చేసినా కూడా తొలి సినిమాను మాత్రం రామ్ చరణ్ నిర్మిస్తాడనే ప్రచారం చాలా రోజులుగా జరుగుతుంది. తమ్ముడి బాధ్యతలను తాను తీసుకోవాలని చూస్తున్నాడు చరణ్. అయితే తాజాగా బండ్ల గణేష్ పేరు కూడా తెరపైకి వచ్చింది. జూనియర్ పవర్ స్టార్ తొలి సినిమాను నిర్మించే అవకాశం బండ్లన్న కొట్టేసినట్లు టాక్స్ వినిపిస్తున్నాయి. పవన్, అకీరా ఉన్న ఫోటోను ట్వీట్ చేస్తూ నా దేవుడితో నా హీరో అంటూ బండ్ల గణేష్ రాసుకొచ్చాడు. అంటే బండ్ల గణేష్ ఈ ఆఫర్ అందుకున్నాడా అనిపించక మానదు. ఏదేమైనా కానీ మాయ చేయడంలో బండ్ల గణేష్ తర్వాతే ఎవరైనా..? నిజంగా అలాంటి మాయ చేసి అకీరా తొలి సినిమా ఆఫర్ కొట్టేసినా కొట్టేస్తాడు అంటున్నారు ఫ్యాన్స్.