Samantha | అమ్మో స‌మంత అంత‌ రెమ్యున‌రేష‌న్ తీసుకుంటుందా?

October 7, 2021 / 05:24 PM IST

Samantha remuneration | సమంత రెమ్యునరేషన్‌ | నాగ చైతన్య సమంత విడాకులు | samantha naga chaitanya divorce

Samantha remuneration | తెలుగు ఇండస్ట్రీలో సమంతకు ఉన్న ఫాలోయింగ్ గురించి ప్రత్యేకంగా చెప్పాల్సిన అవసరం లేదు. ఆమె అక్కినేని కోడలు అయిన తర్వాత అది మరింత పెరిగింది. ఆ ఇమేజ్ కాస్త‌ అభిమానుల్లో గౌరవంగా మారింది. అందుకే పెళ్లి తర్వాత ఆమెకు ఎక్కువగా నటనకు ఆస్కారం ఉన్న పాత్రలే వచ్చాయి. అంతకు ముందు బాగా గ్లామర్ క్యారెక్టర్స్ చేసినా కూడా.. పెళ్లి తర్వాత మాత్రం ఎక్కువగా నటనకు స్కోప్ ఉన్న క్యారెక్టర్ చేసింది. దాంతో పాటు గ్లామర్ క్యారెక్టర్స్ కూడా చేసింది సమంత. ఫ్యామిలీమ్యాన్ 2 లో ఈమె చేసిన బెడ్ రూమ్ సీన్స్ సంచలనం సృష్టించాయి. నాగ చైతన్యతో విడాకులకు ఇది కూడా ఒక ప్రధాన కారణమని తెలుస్తోంది. తనకు కండిషన్స్ పెట్టినా.. ఒక పరిధి వరకు పరిమితం చేయడానికి ప్రయత్నించినా కూడా నచ్చదనే కారణంతోనే.. సమంత విడాకుల వరకు వచ్చిందని ప్రచారం జరుగుతోంది.

ఇదిలా ఉంటే ఇలా విడాకులు తీసుకున్న తరువాత కూడా డిమాండ్ ఏ మాత్రం తగ్గలేదు. ఈమెతో సినిమాలు చేయడానికి నిర్మాతలు కూడా ఆసక్తి చూపిస్తున్నారు. అంతేకాదు ఈమె తన తర్వాత సినిమా కోసం ఎవరూ ఊహించని స్థాయిలో సమంత రెమ్యునరేషన్‌ అందుకుంటుంది. ఇప్పటి వరకు తెలుగులో మరో హీరోయిన్‌కు కూడా సాధ్యం కాని స్థాయిలో 3.5 కోట్ల రెమ్యునరేషన్ సమంత అందుకోబోతుందని ప్రచారం జరుగుతోంది. సీనియర్ నిర్మాత శివలెంక కృష్ణప్రసాద్ నిర్మించబోయే ఈ సినిమాను ఒక కొత్త దర్శకుడు తెరకెక్కించబోతున్నాడు. లేడీ ఓరియెంటెడ్ సబ్జెక్ట్‌తో వస్తున్న ఈ సినిమా కోసం ఏకంగా 3.5 కోట్ల పారితోషకం అందుకుంటుందని ఇండస్ట్రీలో ప్రచారం జరుగుతుంది.

ఇదేగాని నిజమైతే ఇంతకంటే సంచలనం మరొకటి ఉండదు. చాలా సంవత్సరాలుగా సినిమాలకు దూరంగా ఉన్న శివలెంక కృష్ణప్రసాద్.. ఈ మధ్య కాలంలో ఇంద్రగంటి తెరకెక్కించిన నాని జెంటిల్ మెన్, సమ్మోహనం సినిమాలు నిర్మించారు. ఇప్పుడు సమంతతో సినిమా నిర్మించడానికి సిద్ధమవుతున్నాడు. ప్రస్తుతం తెలుగులో గుణశేఖర్ శాకుంతలం.. తమిళంలో విజయ్ సేతుపతి సినిమాలతో బిజీగా ఉంది సమంత. ఏదేమైనా విడాకుల తర్వాత కూడా కెరీర్‌పై ఫోకస్ ఏ మాత్రం తగ్గనివ్వడం లేదు స్యామ్.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి