Visit:
Payal rajput | గత పదేళ్లలో పెను సంచలనం సృష్టించిన సినిమాల్లో ఆర్ఎక్స్100 ఒకటి. కల్ట్‌ బొమ్మగా బాక్సాఫీస్‌ దగ్గర కోట్లు కుమ్మరించింది. డెబ్యూ సినిమాతోనే అజయ్‌ భూపతి అందరి దృష్టిని ఆకర్షించాడు. ముఖ్యంగా ఈ సినిమాలో హీరోయిన్‌ పాత్ర మాములు షాక్‌ కాదు. అప్పటికే ఓ అబ్బాయిని ప్రేమించి, పెళ్లికి కూడా సిద్ధమైన అమ్మాయి.. మధ్యలో శారీరక సుఖం కోసం ఇంకొక అబ్బాయిని లైన్లో పెట్టి, అతణ్ని వాడుకుని వదిలేయడం అనే కాన్సెప్ట్ ప్రేక్షకులకు మాములు షాక్‌ ఇవ్వలేదు. ఈ ట్విస్టే నిర్మాతల పాలిట కామధేనువులా కాసుల వర్షం కురిపించింది. ఇక దాదాపు యూత్‌ అంతా ఈ సినిమాకు బాగా కనెక్ట్ అయిపోయి బ్లాక్ బస్టర్ చేసి పెట్టారు.
ఈ సినిమాతో పాయల్‌ పేరు ఒక్క సారిగా టాలీవుడ్‌లో మార్మోగిపోయింది. కామంతో, విరహవేదనతో రగిలిపోయే అమ్మాయి పాత్రలో జీవించేసింది. ఈ సినిమా సక్సెస్‌లో పాయల్‌ మేజర్‌ రోల్‌ పోషించింది అనడంలో అతిశయోక్తి లేదు. ఓ వైపు గ్లామర్‌తో కట్టిపడేస్తూనే.. మరో వైపు సినిమా చివర్లో నెగెటీవ్‌ షెడ్స్‌ను బయటకు తీసి ప్రేక్షకులను వెర్రెత్తిపోయేలా చేసింది. అయితే ముందుగా ఈ రోల్‌ కోసం అజయ్‌ భూపతి ముందుగా మరో హీరోయిన్‌ను అనుకున్నాడట. ఆమె మరోవరో కాదు ఎక్కడికి పోతావు చిన్నవాడా సినిమాతో ప్రేక్షకులను మెప్పించిన నందిత శ్వేత. అజయ్‌ ముందుగా ఈ క్యారెక్టర్‌ కోసం నందిత శ్వేతను అప్రోచ్‌ అయ్యాడట. కానీ క్యారెక్టర్‌ మరీ బోల్డ్‌గా ఉండటంతో నందిత రిజెక్ట్ చేసిందట.
ఈ విషయాన్ని స్వయంగా నందిత శ్వేత చెప్పుకొచ్చింది. ప్రస్తుతం నందిత శ్వేత నటించిన హిడింబ రిలీజ్‌కు సిద్ధంగా ఉంది. ఈ క్రమంలో బ్యాక్ టు బ్యాక్ ప్రమోషన్‌లతో తెగ బిజీగా గడుపుతుంది. ప్రమోషన్‌లో భాగంగా ఈ అమ్మడు ఆర్ఎక్స్ 100 సినిమా గురించి చెప్పుకొచ్చింది. ఆర్ఎక్స్100 సినిమాలో హీరోయిన్‌ చాన్స్‌ మిస్‌ చేసుకున్నానని, పాయల్‌ ఆ సినిమాకు వంద శాతం న్యాయం చేసిందని ఈ బ్యూటీ చెప్పుకొచ్చింది.
