Actor Dasaradha | కష్టకాలంలో ఉన్న కమెడియన్ రామచంద్రకు ఆర్థిక సహాయం అందించిన నటుడు అయినబత్తిన దశరధ

Comedian Ramachandra | తెలుగు సినీ పరిశ్రమలో నటుడిగా తనదైన గుర్తింపు సంపాదించుకుంటున్న అయినబత్తిన దశరధ మరోసారి తన మంచి మనసును చాటుకున్నారు.

Comedian Ramachandra | తెలుగు సినీ పరిశ్రమలో నటుడిగా తనదైన గుర్తింపు సంపాదించుకుంటున్న అయినబత్తిన దశరధ మరోసారి తన మంచి మనసును చాటుకున్నారు. ‘వెంకీ’ సినిమా ద్వారా ప్రేక్షకులకు సుపరిచితమైన కమెడియన్ రామచంద్ర బ్రెయిన్ ట్యూమర్, పక్షవాతం సమస్యలతో బాధపడుతూ చికిత్స పొందుతున్న విషయం తెలుసుకున్న దశరధ, నేరుగా ఆయనను పరామర్శించి ఆర్థిక సహాయం అందించారు. తోటి కళాకారుడి కష్టాన్ని అర్థం చేసుకుని ధైర్యం చెప్పడం ద్వారా ఆయన గొప్ప మానవత్వాన్ని ప్రదర్శించారు.

ఈ సందర్భంగా దశరధ మాట్లాడుతూ సినీ పరిశ్రమలోని నటీనటులు, సాంకేతిక నిపుణులు అందరూ ఒక కుటుంబంలా ముందుకు వచ్చి రామచంద్రకు అండగా నిలవాలని విజ్ఞప్తి చేశారు. రామచంద్ర చికిత్సకు మరింత సహాయం అందేలా ఈ విషయాన్ని తెలుగు ఫిల్మ్ ఛాంబర్ అధ్యక్షుడు దిల్ రాజు దృష్టికి తీసుకెళ్లేందుకు కృషి చేస్తానని ఆయన తెలిపారు. దశరధ చూపిన మానవత్వానికి రామచంద్ర కృతజ్ఞతలు తెలుపుతూ, ఈ నెల 30న విడుదల కానున్న ఆయన ‘కిల్లర్’ సినిమా ఘనవిజయం సాధించాలని మనస్ఫూర్తిగా ఆకాంక్షించారు. ప్రస్తుతం ‘కిల్లర్’ చిత్రంలో నటిస్తూనే, లైన్ ప్రొడ్యూసర్‌గానూ బాధ్యతలు నిర్వహిస్తున్న దశరధ.. కష్టాల్లో ఉన్న తోటి కళాకారులను ఆదుకోవడం ప్రతి ఒక్కరి బాధ్యత అని పేర్కొన్నారు.