మ‌రో సెల‌బ్రెటీ క‌పుల్ బ్రేకప్‌.. ఐశ్వ‌ర్య‌తో విడిపోతున్న‌ట్లు ప్ర‌క‌టించిన ధ‌నుష్‌

January 18, 2022 / 12:13 AM IST

Dhanush and aishwarya Divorce | స‌మంత‌, నాగ‌చైత‌న్య విడాకుల త‌ర్వాత మ‌రో సెల‌బ్రెటీ క‌పుల్ షాకిచ్చింది. త‌మిళ స్టార్ హీరో ధ‌నుష్ త‌న భార్య ఐశ్వ‌ర్య‌తో విడిపోతున్న‌ట్లు ప్ర‌క‌టించారు. ఈ విష‌యాన్ని ట్విట్ట‌ర్ వేదిక‌గా ధ‌నుష్ తెలియ‌జేశాడు. ర‌జినీకాంత్ కుమార్తె ఐశ్వ‌ర్య‌తో ధ‌నుష్‌కు 2004లో వివాహ‌మైంది. వీరికి ఇద్ద‌రు పిల్ల‌లు ఉన్నారు. గ‌తంలోనే వీరిద్ద‌రూ విడిపోతున్న‌ట్లు వార్త‌లు వ‌చ్చాయి. కానీ ఈ వార్త‌ల‌పై ఎవ‌రూ స్పందించ‌లేదు. కాగా.. తాజాగా ఐశ్వ‌ర్య‌తో విడిపోతున్న‌ట్లు ప్ర‌క‌టించి షాకిచ్చాడు. ఈ మేర‌కు ట్విట్ట‌ర్‌లో ఒక లేఖ పోస్టు చేశాడు.

🙏🙏🙏🙏🙏 pic.twitter.com/hAPu2aPp4n
— Dhanush (@dhanushkraja) January 17, 2022

మా ఈ 18 ఏండ్ల దాంప‌త్య జీవితంలో స్నేహితులుగా, దంప‌తులుగా, త‌ల్లిదండ్రులుగా, శ్రేయోభిలాషులుగా క‌లిసి జీవించం. ఒక‌రికొక‌రం అండ‌గా నిల‌బ‌డ్డాం. మా ఈ జ‌ర్నీలో ఎన్నో కొత్త విష‌యాలు నేర్చుకున్నాం.. ఒక‌రినొక‌రం అర్థం చేసుకుని స‌ర్దుకుని జీవించాం. కానీ ఇప్పుడు మేం విడిపోవాల్సిన స‌మయం వ‌చ్చింది. ఐశ్వ‌ర్య, నేను విడిపోవాల‌ని నిర్ణ‌యించుకున్నాం. ద‌య‌చేసి మా నిర్ణ‌యాన్ని గౌర‌వించండి. మా నిర్ణ‌యాన్ని గౌర‌వించి మాకు ప్రైవ‌సీ ఇవ్వండి. ఓం న‌మః శివాయ ! ప్రేమ‌తో మీ ఢి అని ధ‌నుష్ త‌న ట్విట్ట‌ర్‌లో పోస్టు చేశాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి