విశాల్ ‘అభిమన్యుడు’ సినిమాకు మూడేళ్లు.. !

రజినీకాంత్ తర్వాత తెలుగులో డబ్బింగ్ సినిమాలతో వరస విజయాలు అందుకుని మంచి మార్కెట్ సొంతం చేసుకున్న హీరో విశాల్. తెలుగబ్బాయి కావడంతో మనవాళ్లు ఈయన్ని మరింత బాగా రిసీవ్ చేసుకున్నారు. పందెంకోడి, పొగరు, భరణి లాంటి సినిమాలతో అప్పట్లో వరస విజయాలు అందుకున్న ఈయన.. తర్వాత ఫామ్ కోల్పోయాడు. అలాంటి సమయంలో విశాల్ ఈజ్ బ్యాక్ అనేలా చేసిన సినిమా అభిమన్యుడు. హీరో విశాల్ ఈ చిత్రాన్ని తన ‘విశాల్ ఫిలిం ఫ్యాక్టరీ’ బ్యానర్ పై నిర్మించాడు. 2018, జూన్ 1న విడుదలైన ఈ చిత్రం నేటితో 3 ఏళ్ళు పూర్తి చేసుకుంది. పిఎస్ మిత్రన్ తెరకెక్కించిన ఈ చిత్రంలో సమంత అక్కినేని హీరోయిన్ గా నటించింది. సైబర్ క్రైమ్స్ నేపథ్యంలో తెరకెక్కిన ఈ చిత్రం తెలుగు ప్రేక్షకులను బాగా ఆకట్టుకుంది. నాగార్జున ‘ఆఫీసర్’ సినిమాకు పోటీగా విడుదలైన ఈ డబ్బింగ్ చిత్రం దానిని పూర్తిగా డామినేట్ చేసి బ్లాక్ బస్టర్ గా నిలిచింది. ఈ సినిమా ఫైనల్ కలెక్షన్స్ ఇప్పుడు చూద్దాం..

నైజాం- 3.10 కోట్లు
సీడెడ్- 1.20 కోట్లు
ఉత్తరాంధ్ర- 1.56 కోట్లు
ఈస్ట్- 0.80 కోట్లు
వెస్ట్- 0.55 కోట్లు
గుంటూరు- 0.75 కోట్లు
కృష్ణా- 0.82 కోట్లు
నెల్లూరు- 0.40 కోట్లు

ఏపీ + తెలంగాణ- 9.18 కోట్లు

‘అభిమన్యుడు’ చిత్రాన్ని తెలుగులో 4.2 కోట్లకు అమ్మారు. 5 కోట్ల లక్ష్యంతో బరిలోకి దిగిన ఈ చిత్రం ఏకంగా 9 కోట్లకు పైగా షేర్ వసూలు చేసి డబుల్ బ్లాక్ బస్టర్ గా నిలిచింది. విశాల్ కు చాలా రోజుల తర్వాత వచ్చిన బ్లాక్ బస్టర్ ఇది. తమిళంలో అలాగే తెలుగులో కూడా. అందుకే అభిమన్యుడు విశాల్ కెరీర్ కు ప్రత్యేకంగా నిలిచిపోయింది.