Gopi Chand | సైనికుడిగా గోపీచంద్ పవర్‌ఫుల్ లుక్.. 50 శాతం పూర్తయిన ‘సింగ’ షూటింగ్‌!

Gopi Chand | మాచో స్టార్ గోపీచంద్ ప్రస్తుతం ‘సింగ’ అనే యాక్షన్ ఎంటర్‌టైనర్‌తో ప్రేక్షకుల ముందుకు వచ్చేందుకు సిద్ధమవుతున్నారు. ఈ చిత్రంతో ప్రముఖ యాక్షన్ కొరియోగ్రాఫర్ వి. వెంకట్ దర్శకుడిగా పరిచయం అవుతున్నారు. విజయ్ చిల్లా, శశి దేవిరెడ్డి సంయుక్తంగా ఈ సినిమాను నిర్మిస్తున్నారు. ‘సింగ’ సినిమా చిత్రీకరణ శరవేగంగా కొనసాగుతోంది.

Gopi Chand | మాచో స్టార్ గోపీచంద్ ప్రస్తుతం ‘సింగ’ అనే యాక్షన్ ఎంటర్‌టైనర్‌తో ప్రేక్షకుల ముందుకు వచ్చేందుకు సిద్ధమవుతున్నారు. ఈ చిత్రంతో ప్రముఖ యాక్షన్ కొరియోగ్రాఫర్ వి. వెంకట్ దర్శకుడిగా పరిచయం అవుతున్నారు. విజయ్ చిల్లా, శశి దేవిరెడ్డి సంయుక్తంగా ఈ సినిమాను నిర్మిస్తున్నారు. ‘సింగ’ సినిమా చిత్రీకరణ శరవేగంగా కొనసాగుతోంది. ఇప్పటికే సినిమా షూటింగ్‌ 50 శాతం పూర్తయినట్లు చిత్రబృందం వెల్లడించింది. దీంతో ఈ ప్రాజెక్టుపై సినీ ప్రేక్షకుల్లో ఆసక్తి పెరుగుతోంది. గోపీచంద్‌ గతంలో విడుదల చేసిన ఫస్ట్‌లుక్‌ పోస్టర్‌లో ఆయన దూకుడైన రూపంతో ఆకట్టుకోగా, తాజాగా విడుదలైన పోస్టర్‌ మరో ప్రత్యేకతను సంతరించుకుంది.

తాజా పోస్టర్‌లో గోపీచంద్‌ సైనికుడి పాత్రలో కనిపిస్తూ పవర్‌ఫుల్‌ లుక్‌తో ఆకట్టుకుంటున్నారు. ఆయన పాత్రలోని ఎమోష‌న్, యాక్షన్‌ నేపథ్యం సినిమాపై అంచనాలను పెంచుతున్నాయి. ఈ చిత్రంలో గోపీచంద్‌ పాత్ర ఎలా ఉండబోతోంది? కథలో ఎలాంటి మలుపులు ఉంటాయి? అనే విషయాలపై అభిమానుల్లో ఆసక్తి నెలకొంది. ఈ సినిమాతో అనార్కలి నాజర్‌ టాలీవుడ్‌లోకి అడుగుపెడుతున్నారు. ప్రముఖ సంగీత దర్శకుడు సామ్‌ సీఎస్‌ ఈ చిత్రానికి సంగీతం అందిస్తున్నారు. ఉత్కంఠభరితమైన యాక్షన్‌ సన్నివేశాలు, ఆసక్తికరమైన కథాంశం, భావోద్వేగాలతో కూడిన నాటకీయ అంశాలతో ప్రేక్షకులకు మంచి థియేట్రికల్‌ అనుభూతిని అందించడమే లక్ష్యంగా చిత్రబృందం పనిచేస్తోంది.

దర్శకుడిగా వి. వెంకట్‌కు ఇది తొలి సినిమా కావడం, గోపీచంద్‌ సైనికుడి పాత్రలో కనిపించనుండటంతో ‘సింగ’పై ఆసక్తి నెలకొంది. సినిమా విడుదల తేదీతో పాటు ఇతర వివరాలను చిత్రబృందం త్వరలో ప్రకటించే అవకాశం ఉంది.ఈ సినిమా అప్‌డేట్స్ కోసం గోపిచంద్ ఫ్యాన్స్ ఎంతో ఆస‌క్తిగా ఎదురు చూస్తున్నారు.