MLA Sunitha lakshma Reddy | రైతులతో కలిసి ఎండిన వరి పంటతో సునీత లక్ష్మారెడ్డి ధర్నా

mla sunitha lakshma reddy వెల్దుర్తి మండల కేంద్రంలోని మాసాయిపేటలో ఎండిన వరి పంటను పరిశీలించిన ఎమ్మెల్యే సునీత లక్ష్మారెడ్డి.. బాధిత రైతులతో మాట్లాడి వారి సమస్యలను అడిగి తెలుసుకున్నారు. అనంతరం విద్యుత్ సబ్‌స్టేషన్‌లోని బ్లాక్ బుక్స్‌ను ఎమ్మెల్యే సునీత లక్ష్మారెడ్డి పరిశీలించారు.

MLA Sunitha lakshma Reddy | వెల్దుర్తి, అక్టోబర్ 24 : విద్యుత్ సమస్యలతో ఎండిపోతున్న వరి పంటలను చూసి రైతుల కష్టాలను తెలుసుకున్న ఎమ్మెల్యే సునీత లక్ష్మారెడ్డి.. రైతులకు న్యాయం చేయాలని డిమాండ్ చేస్తూ జాతీయ రహదారిపై ధర్నాకు దిగారు. వెల్దుర్తి మండల కేంద్రంలోని మాసాయిపేటలోని విద్యుత్ సబ్‌స్టేషన్‌ ఎదుట ఎండిన వరి పంటను పరిశీలించిన ఎమ్మెల్యే.. బాధిత రైతులతో మాట్లాడి వారి సమస్యలను అడిగి తెలుసుకున్నారు.

అనంతరం విద్యుత్ సబ్‌స్టేషన్‌లోని బ్లాక్ బుక్స్‌ను ఎమ్మెల్యే సునీత లక్ష్మారెడ్డి పరిశీలించారు. విద్యుత్ సరఫరా, అంతరాయాలకు సంబంధించిన వివరాలపై ఆరా తీశారు. విద్యుత్ సమస్యల కారణంగా పంటలు ఎండిపోతున్నాయని రైతులు ఆవేదన వ్యక్తం చేసిన నేపథ్యంలో సమస్యల పరిష్కారానికి చర్యలు తీసుకోవాలని ఆమె డిమాండ్ చేశారు.

జాతీయ రహదారిపై ధర్నాతో భారీగా నిలిచిన వాహనాలు

రైతుల సమస్యలను పరిష్కరించాలని కోరుతూ ఎమ్మెల్యే సునీత లక్ష్మారెడ్డి నాయకులతో కలిసి జాతీయ రహదారిపై ధర్నా నిర్వహించారు. ఈ ఆందోళనతో రహదారిపై వాహనాలు భారీగా నిలిచిపోయాయి. దీంతో వాహనదారులు తీవ్ర ఇబ్బందులు ఎదుర్కొన్నారు. రైతుల పంటలను కాపాడేందుకు విద్యుత్ సమస్యలను వెంటనే పరిష్కరించాలని ఆందోళనకారులు డిమాండ్ చేశారు.