డబ్బుకోసం చేసిన సినిమా కాదిది

నిరంతరాయంగా అన్నార్తుల ఆకలి తీర్చిన అపర అన్నపూర్ణ డొక్కా సీతమ్మ కథతో రూపొందిన బయోపిక్‌ ‘ఆంధ్రుల అన్నపూర్ణ డొక్కా సీతమ్మ’. టైటిల్‌రోల్‌ ఆమని పోషించారు. టి.వి.రవి నారాయణ్‌ దర్శకుడు. వల్లూరి రాంబాబు నిర్మాత. ఈ మూవీ టైటిల్‌ పోస్టర్‌ రిలీజ్‌ ఈవెంట్‌ని హైదరాబాద్‌లో నిర్వహించారు.

నిరంతరాయంగా అన్నార్తుల ఆకలి తీర్చిన అపర అన్నపూర్ణ డొక్కా సీతమ్మ కథతో రూపొందిన బయోపిక్‌ ‘ఆంధ్రుల అన్నపూర్ణ డొక్కా సీతమ్మ’. టైటిల్‌రోల్‌ ఆమని పోషించారు. టి.వి.రవి నారాయణ్‌ దర్శకుడు. వల్లూరి రాంబాబు నిర్మాత. ఈ మూవీ టైటిల్‌ పోస్టర్‌ రిలీజ్‌ ఈవెంట్‌ని హైదరాబాద్‌లో నిర్వహించారు. నిర్మాత అంబికాకృష్ణ, దర్శకుడు రేలంగి నరసింహారావు అతిథులుగా విచ్చేసి చిత్ర యూనిట్‌కి శుభాకాంక్షలు అందించారు. ‘డొక్కా సీతమ్మ చరిత్ర ప్రతి ఒక్కరికీ తెలియాలి. డబ్బు కోసం చేస్తున్న సినిమా కాదిది. ఓ మహనీయురాలి చరిత్రను తెలుగువారందరికీ తెలియజేయాలని సంకల్పంతో చేస్తున్న సినిమా. ఆమని అద్భుతంగా నటించారు. త్వరలోనే ట్రైలర్‌ విడుదలచేస్తాం.’ అని దర్శకుడు తెలిపారు. ఇలాంటి పాత్రలు చేయాలంటే రాసిపెట్టి ఉండాలని, మురళీమోహన్‌గారితో నటించడం అదృష్టంగా భావిస్తున్నానని ఆమని చెప్పారు. ఆమనికి ఈ సినిమాతో జాతీయ అవార్డు రావాలి అని మురళీమోహన్‌ ఆకాంక్షించారు. ఇంకా చిత్ర యూనిట్‌ మొత్తం మాట్లాడారు.