భారత క్రికెట్ లెజెండ్ కపిల్దేవ్ కెప్టెన్సీలో 1983లో భారత క్రికెట్ జట్టు తొలిసారి ప్రపంచకప్ను గెలుచుకొని విశ్వవిజేతగా నిలిచిన .. స్టోరీ ఆధారంగా ‘83’ సినిమా తెరకెక్కించాడు నిర్మాత విష్ణు వర్దన్ ఇందూరి (Vishnu Vardhan Induri). కబీర్ఖాన్ దర్శకత్వంలో వచ్చిన ఈ మూవీలో రణ్వీర్సింగ్, దీపికాపదుకొనే ప్రధాన పాత్రల్లో నటించారు. మరోవైపు దివంగత తమిళనాడు మాజీసీఎం జయలలిత జీవిత కథ ఆధారంగా తలైవి చిత్రాన్ని తెరకెక్కించారు.
తాజాగా 83 మేకర్ ఐపీఎల్ ఫౌండర్ లలిత్ మోడీ ( Lalit Modi) పై సినిమాను తీస్తున్నట్టు ప్రకటించారు. బీసీసీఐ నెలకొల్పిన ఐపీఎల్ 15వ సంవత్సరంలోకి (IPL 15th year) అడుగుపెట్టింది. ఈ సందర్భంగా లలిత్ మోడీపై సినిమా చేయనున్నట్టు ప్రకటించారు. బోరియా మజుందార్ రాసిన పాపులర్ పుస్తకం మావెరిక్ కమిషనర్ (Maverick Commissioner) హక్కులను విష్ణువర్దన్ ఇందూరి దక్కించుకున్నారు. ప్రపంచ చరిత్రలో పెద్ద క్రికెట్ లీగ్ అవతరణ, ఫౌండర్ లలిత్ మోడీ అంశాల నేపథ్యంలో సినిమా సాగనుందని సమాచారం.
టాప్ స్టార్ హీరో లలిత్ మోడీ పాత్రలో నటించనున్నాడు. ఇప్పటికే మేకర్స్ సదరు యాక్టర్ తో సంప్రదింపులు కూడా జరుపుతున్నట్టు టాక్. సినిమా దర్శకుడు ఇతర వివరాలపై త్వరలోనే స్పష్టత ఇవ్వనున్నారు మేకర్స్.