Visit:
WhatsApp | ప్రముఖ ఇన్ స్టంట్ మెసేజింగ్ యాప్ ‘వాట్సాప్’ తన యూజర్ల కోసం రోజుకో అప్ డేటెడ్ ఫీచర్ తీసుకొస్తోంది. రోజువారీ పని మీద ప్రతి ఒక్కరూ ప్రయాణాలు చేస్తుంటారు. అలా ప్రయాణం చేస్తున్న వారందరికీ వాట్సాప్ గ్రూపుల్లో అదేపనిగా వాయిస్ మెసేజ్‌లు వస్తుంటాయి. అందరి వద్ద ఇయర్ ఫోన్లు అందుబాటులో ఉండక పోవడంతో ప్రయాణం ముగిసిన తర్వాత వాటిని వినడం సాధ్యం కాదు.. అటువంటి వాయిస్ మెసేజ్‌ల్లో తెలిపే ఫీచర్‌ను వాట్సాప్ తీసుకొచ్చింది. టెక్ట్స్ రూపంలో వాయిస్ మెసేజ్ చూపే ట్రాన్స్ స్క్రిప్షన్ ఫీచర్ తీసుకొస్తున్న వాట్సాప్.. ప్రస్తుతం దాన్ని ఆండ్రాయిడ్ బీటా వర్షన్ లో అందుబాటులో ఉంది.
అనునిత్యం వాట్సాప్ అప్ డేట్స్ అందించే వాబీటా ఇన్పో.. ఈ ట్రాన్స్ స్క్రిప్షన్ ఫీచర్ ను గుర్తించింది. వాయిస్ మెసేజ్ వచ్చినా, పంపినా దాని కింద కనిపించే ట్రాన్స్ స్క్రిప్షన్ ఆప్షన్ క్లిక్ చేస్తే.. ఆ మెసేజ్ సారాంశం టెక్ట్స్ రూపంలో వస్తుంది. అయితే ఇదేమీ ట్రాన్స్ లేటర్ కాదు. వాయిస్ మెసేజ్ భాషలోనే టెక్ట్స్ మెసేజ్ వస్తుంది. ఇప్పటికైతే ఇంగ్లిష్, హిందీ, పోర్చుగస్, రష్యన్, స్పానిష్ భాషలకు సపోర్టుగా ఉంది. ఇతర భాషల్లోకి ఎప్పుడు వస్తుందో తెలియకపోయినా త్వరలోనే యూజర్లందరికీ ఈ ఫీచర్ అందుబాటులోకి వస్తుందని తెలుస్తోంది.
