10 లక్షల కోట్ల సంపద ఆవిరి.. టారిఫ్‌ల దెబ్బకు కుప్పకూలిన స్టాక్‌ మార్కెట్లు

దేశీయ స్టాక్‌ మార్కెట్ల నష్టాల పరంపర కొనసాగుతున్నది. భారత ఉత్పత్తులపై అమెరికా ప్రతీకార సుంకాల విధింపు అమలులోకి రావడంతో సూచీలు భారీ నష్టాల్లోకి జారుకున్నాయి. వరుసగా రెండోరోజు గురువారం ఇంట్రాడేలో 800 పాయింట్ల వరకు నష్టపోయిన 30 షేర్ల ఇండెక్స్‌ సూచీ సెన్సెక్స్‌ చివరకు మార్కెట్‌ ముగిసే సమయానికి 705.97 పాయింట్లు కోల్పోయి 80,080.57 వద్ద ముగిసింది.

• వరుసగా రెండు రోజుల్లో నష్టపోయిన మదుపరులు

న్యూఢిల్లీ, ఆగస్టు 28 : దేశీయ స్టాక్‌ మార్కెట్ల నష్టాల పరంపర కొనసాగుతున్నది. భారత ఉత్పత్తులపై అమెరికా ప్రతీకార సుంకాల విధింపు అమలులోకి రావడంతో సూచీలు భారీ నష్టాల్లోకి జారుకున్నాయి. వరుసగా రెండోరోజు గురువారం ఇంట్రాడేలో 800 పాయింట్ల వరకు నష్టపోయిన 30 షేర్ల ఇండెక్స్‌ సూచీ సెన్సెక్స్‌ చివరకు మార్కెట్‌ ముగిసే సమయానికి 705.97 పాయింట్లు కోల్పోయి 80,080.57 వద్ద ముగిసింది. మరో సూచీ నిఫ్టీ 211.15 పాయింట్లు కోల్పోయి 24,500.90 వద్ద స్థిరపడింది. దీంతో వరుసగా రెండు రోజుల్లో సెన్సెక్స్‌ 1,555 పాయింట్లు నష్టపోవడంతో మదుపరులు పది లక్షల కోట్ల సంపదను కోల్పోయారు. దీంతో బీఎస్‌ఈలో లిైస్టెన కంపెనీల విలువ రూ.9,69,740.79 కోట్లు కరిగిపోయి రూ.4,45,17,222.66 కోట్లు(5.08 ట్రిలియన్‌ డాలర్లు)కు తగ్గింది.

• హెచ్‌సీఎల్‌ టెక్నాలజీ షేరు 2.85 శాతం తగ్గి టాప్‌లూజర్‌గా నిలిచింది.
• దీంతోపాటు ఇన్ఫోసిస్‌, పవర్‌గ్రిడ్‌, టీసీఎస్‌, హెచ్‌డీఎఫ్‌సీ, హెచ్‌యూఎల్‌, భారతీ ఎయిర్‌టెల్‌, ఐసీఐసీఐ బ్యాంక్‌, మహీంద్రా, కోటక్‌ బ్యాంక్‌, టాటా మోటర్స్‌, ఎస్బీఐ, ఎన్‌టీపీసీ, ఐటీసీ, టెక్‌ మహీంద్రా షేర్లు నష్టపోయాయి.
• టైటాన్‌, ఎల్‌అండ్‌టీ, మారుతి, యాక్సిస్‌ బ్యాంక్‌, రిలయన్స్‌, ఏషియన్‌ పెయిం ట్స్‌, బజాజ్‌ ఫైనాన్స్‌ షేర్లు పెరిగాయి.
• రంగాలవారీగా సర్వీసులు 2.27 శాతం నష్టపోగా, టెలికాం 1.73 శాతం, ఐటీ 1.68 శాతం, టెక్నాలజీ 1.59 శాతం, రియల్టీ 1.47 శాతం, యుటిలిటీ 1.26 శాతం చొప్పున పతనం చెందాయి.