మారుతి కార్లపై రూ.2 లక్షల రాయితీ

కార్ల తయారీలో అగ్రగామి సంస్థయైన మారుతి సుజుకీ మరోసారి భారీ డిస్కౌంట్లను ప్రకటించింది. ప్రస్తుత నెలకుగాను అన్ని రకాల మాడళ్లపై రూ.2 లక్షలకు పైగా రాయితీ ఇస్తున్నట్టు వెల్లడించింది.

న్యూఢిల్లీ, మే 7 : కార్ల తయారీలో అగ్రగామి సంస్థయైన మారుతి సుజుకీ మరోసారి భారీ డిస్కౌంట్లను ప్రకటించింది. ప్రస్తుత నెలకుగాను అన్ని రకాల మాడళ్లపై రూ.2 లక్షలకు పైగా రాయితీ ఇస్తున్నట్టు వెల్లడించింది. అమ్మకాలను పెంచుకోవడానికి, కొనుగోలుదారులను ఆకట్టుకోవాలనే ఉద్దేశంతో అన్ని మాడళ్లపై ప్రత్యేక ఆఫర్లను అందుబాటులోకి తీసుకొచ్చింది.

వీటిలో ఫ్రాంక్స్‌ మాడల్‌పై రూ.25 వేలు, సెలేరియోపై రూ.27,500, ఈకో స్టార్‌పై రూ.37,500, ఎస్‌-ప్రెస్సోపై రూ.37,500, సియాజ్‌పై రూ.40 వేలు, బాలెనోపై రూ.40 వేలు, స్విఫ్ట్‌ సీఎన్‌జీ పై రూ.45 వేలు, జిమ్నీపై రూ.45 వేలు, ఇగ్నిస్‌ బ్లాక్‌ ఎడిషన్‌పై రూ.50 వేలు, ఆల్టో కే 10పై రూ.52,500, వ్యాగన్‌ ఆర్‌ మాడల్‌పై రూ.52,500, బ్రెజ్జాపై రూ.55 వేలు, విక్టోరియాపై రూ.70 వేలు, గ్రాండ్‌ విటారాపై రూ.1.08 లక్షలు, ఇన్విక్టోపై రూ.2.15 లక్షల వరకు రాయితీ ఇస్తున్నది.