పౌల్ట్రీ పరిశ్రమకు ప్రోత్సాహకాలు ఇవ్వండి..

రాష్ట్రంలో పౌల్ట్రీరంగాన్ని వ్యవసాయ అనుబంధ రంగంగా గుర్తించాలని, అప్పుడే ఈ రంగంలోకి భారీగా పెట్టుబడులు వచ్చే అవకాశం ఉన్నదని పౌల్ట్రీ ఇండియా అధ్యక్షుడు ఉదయ్‌సింగ్‌ బయాస్‌ పేర్కొన్నారు.

• పౌల్ట్రీ ఇండియా అధ్యక్షుడు ఉదయ్‌సింగ్‌ బయాస్‌

హైదరాబాద్‌, అక్టోబర్‌ 22 (నమస్తే తెలంగాణ): రాష్ట్రంలో పౌల్ట్రీరంగాన్ని వ్యవసాయ అనుబంధ రంగంగా గుర్తించాలని, అప్పుడే ఈ రంగంలోకి భారీగా పెట్టుబడులు వచ్చే అవకాశం ఉన్నదని పౌల్ట్రీ ఇండియా అధ్యక్షుడు ఉదయ్‌సింగ్‌ బయాస్‌ పేర్కొన్నారు. ఉత్తరప్రదేశ్‌, బీహార్‌, ఒడిశా, ఆంధ్రప్రదేశ్‌, తమిళనాడు, కర్ణాటక వంటి రాష్ర్టాలు పౌల్ట్రీ పరిశ్రమను వ్యవసాయ అనుబంధ రంగంగా గుర్తించి, ప్రభుత్వ పరంగా ప్రోత్సాహకాలు అందిస్తుండటం వల్ల ఆయా రాష్ర్టాల్లో పౌల్ట్రీ పరిశ్రమ విస్తరించడంతో పాటు పెద్ద ఎత్తున పెట్టుబడులను ఆకర్శిస్తున్నాయని, దీంతో తెలంగాణ సర్కార్‌ కూడా ఇలాంటి చర్యలు తీసుకోవాలని ఆయన సూచించారు. పలు దక్షిణాది రాష్ర్టాలు గుడ్లు, చికెన్‌ ఉత్పత్తిలో తెలంగాణ కంటే వెనుకబడి ఉన్నప్పటికీ.. ఇటీవల ఆయా రాష్ట్ర ప్రభుత్వాలు ఇచ్చిన ప్రోత్సాహకాలతో పౌల్ట్రీ రంగంలో విప్లవాత్మక మార్పులకు శ్రీకారం చుట్టినట్లు చెప్పారు.