Realme C55 | రియ‌ల్‌మీ నుంచి మ‌రో బ‌డ్జెట్ ఫోన్ `సీ55`.. ధర రూ.10,999 నుంచి షురూ!

Realme C55 | ప్రముఖ చైనా స్మార్ట్ ఫోన్ తయారీ సంస్థ రియల్ మీ.. భారత్ మార్కెట్లోకి మరో బడ్జెట్ ఫోన్ `సీ55` తీసుకొచ్చింది.

Realme C55 | ప్ర‌ముఖ చైనా స్మార్ట్ ఫోన్ దిగ్గ‌జం రియ‌ల్‌మీ.. భార‌త్ మార్కెట్‌లోకి `సీ55` పేరిట మ‌రో బ‌డ్జెట్ ఫోన్ తీసుకొచ్చింది. ఈ నెల 28 నుంంచి భార‌త్ మార్కెట్‌లో సేల్స్ ప్రారంభం అవుతాయి. త్రీ రామ్ అండ్ ఇంట‌ర్న‌ల్ స్టోరేజీ వేరియంట్ల‌లో ల‌భ్యం అవుతుంది. ఆపిల్ ఐ-ఫోన్ త‌రహాలో స్లిమ్ డిజైన్‌తో వ‌స్తున్న తొలి ఆండ్రాయిడ్ ఫోన్ ఇది. అంతే కాదు బ్యాట‌రీ సామ‌ర్థ్యం,డేటా వాడ‌కంతోపాటు హెల్త్‌కు ప్రాధాన్యం ఇచ్చే స్టెప్ కౌంట్‌ వివ‌రాలు తెలిపేందుకు డిజైన్ చేసిన `మినీ క్యాప్సుల్‌` ఫీచ‌ర్ కొత్త‌గా జ‌త చేసింది.

మూడు వేరియంట్ల‌లో రియ‌ల్‌మీ `సీ55` ఫోన్ అందుబాటులోకి వ‌స్తున్న‌ది. 4జీబీ రామ్ విత్ 64 జీబీ ఇంట‌ర్న‌ల్ స్టోరేజీ సామ‌ర్థ్యం గ‌ల వేరియంట్ ఫోన్ రూ.10,999ల‌కు కొనుగోలు చేయొచ్చు. 6జీబీ రామ్ విత్ 64 జీబీ ఇంట‌ర్న‌ల్ స్టోరేజీ వేరియంట్ ఫోన్ రూ.11,999, 8జీబీ రామ్ విత్ 128 జీబీ ఇంట‌ర్న‌ల్ స్టోరేజీ వేరియంట్ రూ.13,999ల‌కు ల‌భ్యం అవుతుంది. స‌న్ షోవ‌ర్‌, రైనీ నైట్ క‌లర్స్‌లో ఇది ల‌భిస్తుంది.

ఇవీ స్పెషిఫికేష‌న్స్‌..

• 6.72-అంగుళాల ఎల్‌సీడీ ప్యానెల్ విత్ ఫుల్ హెచ్‌డీ+ రిజొల్యూష‌న్‌.

• గ‌రిష్ట రీఫ్రెష్ రేట్ 90హెర్ట్జ్, గ‌రిష్ట ట‌చ్ శాంప్లింగ్ రేట్ 180హెర్ట్జ్‌.

• ఎల్‌సీడీ ప్యానెల్‌తోపాటు ప‌వ‌ర్ బ‌ట‌న్ కింద ఫింగ‌ర్‌ప్రింట్ రీడ‌ర్‌.

• మీడియాటెక్ హెలియో జీ88 ఎస్వోసీ ఆఫ‌ర్డ్ విత్ ఎల్పీడీడీఆర్‌4ఎక్స్ రామ్ అండ్ ఈఎంఎంసీ 5.1 స్టోరేజీ.

• మైక్రో ఎస్డీ కార్డ్ సాయంతో ఒక టిగా బైట్ వ‌ర‌కు ఇంట‌ర్న‌ల్ స్టోరేజీ కెపాసిటీ పెంపు.

కెమెరా సెట‌ప్ ఇలా

• రియ‌ల్‌మీ సీ 55 డ్యుయ‌ల్ రేర్ కెమెరా సెట‌ప్‌

• 64-మెగా పిక్సెల్ ప్రైమ‌రీ కెమెరా.

• 2 – మెగా పిక్సెల్ కెమెరా.

• సెల్ఫీల కోసం 8-మెగా పిక్సెల్ కెమెరా.

• ఆండ్రాయిడ్ 13 వ‌ర్ష‌న్‌తో ప‌ని చేస్తుంది.

• వై-ఫై, బ్లూటూత్ 5.2, జీపీఎస్‌, చార్జింగ్ అండ్ డేటా ట్రాన్స్‌ఫ‌ర్ కోసం యూఎస్బీ టైప్‌-సీ పోర్ట్ క‌నెక్టివిటీ.

• 5000 ఎంఏహెచ్ సామ‌ర్థ్యం గ‌ల బ్యాట‌రీ స‌పోర్ట్‌.

• 33 వాట్ల సూప‌ర్ వూక్ వైర్డ్ చార్జ‌ర్‌.