PAN mandatory | ఈ ఆర్థిక లావాదేవీల‌కు పాన్ న‌మోదు త‌ప్ప‌నిస‌రి!

PAN mandatory | దేశంలోని అత్యంత ముఖ్య‌మైన ఫైనాన్సియ‌ల్ డాక్యుమెంట్ల‌కు ప‌ర్మినెంట్ అకౌంట్ నంబ‌ర్ (పాన్‌) త‌ప్ప‌నిస‌రి అవ‌స‌రం.....

August 11, 2021 / 01:09 AM IST

PAN mandatory | ఈ ఆర్థిక లావాదేవీల‌కు పాన్ న‌మోదు త‌ప్ప‌నిస‌రి!

PAN mandatory | దేశంలోని అత్యంత ముఖ్య‌మైన ఫైనాన్సియ‌ల్ డాక్యుమెంట్ల‌కు ప‌ర్మినెంట్ అకౌంట్ నంబ‌ర్ (పాన్‌) త‌ప్ప‌నిస‌రి అవ‌స‌రం. పాన్ అంటే ప‌ది అంకెల ఏకీక్రుత ఆల్ఫాన్యూమ‌రిక్ నంబ‌ర్‌. దీన్ని ఆదాయం ప‌న్ను (ఐటీ) శాఖ జారీ చేస్తుంది. ప్ర‌తి ఒక్క‌రి ఆర్థిక లావాదేవీల‌ను ఐటీ శాఖ తెలుసుకునేందుకు ఈ నంబ‌ర్ ఉప‌యోగిస్తుంది.

ఐటీఆర్‌.. టీడీఎస్‌.. టీసీఎస్ లావాదేవీలు..

ప‌న్ను చెల్లింపులు, టీడీఎస్, టీసీఎస్ క్రెడిట్స్ త‌దిత‌ర చెల్లింపులు, లావాదేవీల‌కు, ఉత్త‌ర‌, ప్ర‌త్యుత్త‌రాల‌కు పాన్‌కార్డును ఉప‌యోగిస్తుంది ఐటీ శాఖ‌. ప‌న్ను చెల్లింపుదారుల వివిధ ర‌కాల పెట్టుబ‌డులు, అప్పులు, ఇత‌ర బిజినెస్ లావాదేవీల స‌మాచారం తేలిగ్గా సేకరించ‌డానికి పాన్ ఉప‌క‌రిస్తుంది. ప‌న్ను ఎగ‌వేత‌, అనుమానాస్ప‌ద లావాదేవీలు ఉన్నాయా.. లేవా.. అనే విష‌యాన్ని తేలుస్తుంది.

ఈ నిబంధ‌న కింద పాన్ న‌మోదు

స్పెసిఫైడ్ ఫైనాన్సియ‌ల్ లావాదేవీల‌కు పాన్ నంబ‌ర్ న‌మోదు చేయ‌డం త‌ప్ప‌నిస‌రి. కేంద్ర, రాష్ట్ర ప్ర‌భుత్వాలు, కాన్సులేట్ ఆఫీసులు మిన‌హా ప్ర‌తి ఒక్క‌రూ కొన్ని లావాదేవీల‌కు పాన్ నంబ‌ర్ పేర్కొన‌డం ఐటీ చ‌ట్టంలోని 114 బీ నిబంధ‌న త‌ప్ప‌నిస‌రి చేస్తుంది. ఆ లావాదేవీలివే:

ద్విచ‌క్ర వాహ‌నం మిన‌హా మోటార్ వెహిక‌ల్ లేదా వెహికిల్ క్ర‌య విక్ర‌యాలు

బ్యాంకు లేదా కోఆప‌రేటివ్ బ్యాంకులో ఖాతా ప్రారంభం

క్రెడిట్ లేదా డెబిట్ కార్డు కోసం చేసే ద‌ర‌ఖాస్తు

డీమ్యాట్ ఖాతా తెర‌వ‌డానికి పాన్ త‌ప్ప‌నిస‌రి.

రెస్టారెంట్ లేదా హోట‌ల్‌లో ఒక‌సారి రూ.50 వేలు దాటిన బిల్లు చెల్లింపు..

ఒకసారి విదేశీ ప్ర‌యాణానికి, విదేశీ క‌రెన్సీ కొనుగోళ్లు రూ.50వేల ఖ‌ర్చు దాటిన‌ప్పుడు..

మ్యూచువ‌ల్ ఫండ్ కొనుగోళ్లు రూ.50 వేలు దాటితే..

డిబెంచ‌ర్లు లేదా బాండ్ల కొనుగోలుకు రూ.50 వేల పై చిలుకు ఖ‌ర్చు చేస్తే..

రూ. 50 వేల పై చిలుకుతో రిజ‌ర్వు బ్యాంకు ఆఫ్ ఇండియా (ఆర్బీఐ) బాండ్ల కొనుగోలు.

కోఆప‌రేటివ్ బ్యాంకులో ఒక‌రోజు రూ.50వేలు దాటిన డిపాజిట్ల‌పైన‌..

2016 న‌వంబ‌ర్ 9 నుంచి డిసెంబ‌ర్ 30 వ‌ర‌కు రూ.2.50 ల‌క్ష‌ల పై చిలుకు న‌గ‌దు డిపాజిట్‌.

రూ.50 వేల పై చిలుకు బ్యాంకు డ్రాఫ్ట్‌లు, పే ఆర్డ‌ర్ల కొనుగోలు.. లేదా బ్యాంకు చెక్‌లు జారీ చేసినా..