Ola S1 Air | ఓలా ఎస్1 ఎయిర్ బుకింగ్స్‌లో రికార్డు.. అదేమిటంటే..?

Ola S1 Air | ఓలా ఎలక్ట్రిక్ ఎస్1 ఎయిర్ స్కూటర్ పర్చేజింగ్ విండో ప్రారంభించిన గంటలోపే వెయ్యి యూనిట్లు బుక్ అయ్యాయని సంస్థ సీఈఓ భవిష్ అగర్వాల్ తెలిపారు.

Ola S1 Air | బెంగళూరు కేంద్రంగా పని చేస్తున్న స్టార్టప్ కంపెనీ ఓలా ఎలక్ట్రిక్ (Ola Electric) మార్కెట్లోకి ఎస్1 ఎయిర్ (S1 Air) తీసుకొచ్చింది. న్యూ నియాన్ కలర్ ఆప్షన్‌లో ఓలా ఎస్1 ఎయిర్ (S1 Air) వేరియంట్ ప్రవేశపెట్టినట్లు ఓలా ఎలక్ట్రిక్ సీఈఓ భవిష్ అగర్వాల్ (Bhavish Agarwal) వెల్లడించారు.

ఓలా ఎస్1 ఎయిర్ కోసం నిర్వహిస్తున్న పర్చేజింగ్ విండోలో శుక్రవారం తొలి గంట సేపట్లోనే వెయ్యి యూనిట్స్ ప్రీ బుకింగ్స్ అయ్యాయని భవిష్ అగర్వాల్ తెలిపారు. మూడు గంటల్లోపు మూడు వేల యూనిట్లు బుక్ చేసుకున్నారని సోషల్ మీడియా వేదిక ట్విట్టర్ హ్యాండిల్ నుంచి ప్రకటించారు. శుక్రవారం నుంచి ఆదివారం వరకు ఓలా ఎలక్ట్రిక్.. తన ఎస్1 ఎయిర్ స్కూటర్ కోసం పర్చేజింగ్ విండో ప్రారంభించింది. ఈ మూడు రోజుల్లో కొనుగోలు చేసే వారికి ఎస్1 ఎయిర్ స్కూటర్ రూ.1,09,999 (ఎక్స్ షోరూమ్) లకు, జూలై 31 నుంచి కొనుగోలు చేసే వారికి రూ.1,19,999 (ఎక్స్ షోరూమ్) లకు విక్రయిస్తుంది. ఈ నెల 22న ఓలా ఎస్1 ఎయిర్ కోసం ప్రీ బుకింగ్స్ ప్రారంభమైన సంగతి తెలిసిందే.

అత్యాధునిక మూవ్ ఓఎస్3 టెక్నాలజీతో రూపుదిద్దుకున్న ఎలక్ట్రిక్ స్కూటర్లు ఆరు రంగుల్లో లభిస్తాయి. స్టె్ల్లార్ బ్లూ, పోర్స్ లయాన్ వైట్, కోరల్ గ్లామ్, లిక్విడ్ సిల్వర్, మిడ్ నైట్ బ్లూతోపాటు నియాన్ రంగులోనూ లభిస్తుంది.