Ola Electric | ఒక్కసారి ఛార్జి చేస్తే 500 కిలోమీటర్లు వెళ్లొచ్చు.. సరికొత్త బైక్‌ లాంచ్‌ చేసిన ఓలా

Ola Electric | ఎలక్ట్రిక్‌ స్కూటర్ల తయారీ సంస్థ ఓలా..తాజాగా ఎలక్ట్రిక్‌ మోటర్‌సైకిల్‌ సెగ్మెంట్‌లోకి అడుగుపెట్టింది. రోడ్‌స్టర్‌ ఎక్స్‌ సిరీస్‌లో భాగంగా ఒకేసారి నాలుగు మాడళ్లను పరిచయం చేసింది. వీటిలో రోడ్‌స్టర్‌ ఎక్స్‌ సిరీస్‌ బైకులు 2.5 కిలోవాట్లు, 3.5 కిలోవాట్లు, 4.5 కిలోవాట్ల బ్యాటరీతో తయారైన బైకులు రూ.74,999, రూ.84,999, రూ.94,999 ధరతో లభించనున్నాయి.

Ola Electric | న్యూఢిల్లీ, ఫిబ్రవరి 5: ఎలక్ట్రిక్‌ స్కూటర్ల తయారీ సంస్థ ఓలా..తాజాగా ఎలక్ట్రిక్‌ మోటర్‌సైకిల్‌ సెగ్మెంట్‌లోకి అడుగుపెట్టింది. రోడ్‌స్టర్‌ ఎక్స్‌ సిరీస్‌లో భాగంగా ఒకేసారి నాలుగు మాడళ్లను పరిచయం చేసింది. వీటిలో రోడ్‌స్టర్‌ ఎక్స్‌ సిరీస్‌ బైకులు 2.5 కిలోవాట్లు, 3.5 కిలోవాట్లు, 4.5 కిలోవాట్ల బ్యాటరీతో తయారైన బైకులు రూ.74,999, రూ.84,999, రూ.94,999 ధరతో లభించనున్నాయి. అలాగే రోడ్‌స్టర్‌ ఎక్స్‌+ మాడల్‌ 4.5 కిలోవాట్ల బ్యాటరీ కలిగిన మాడల్‌ రూ.1,04,999, రోడ్‌స్టర్‌ ఎక్స్‌+ 9.1 కిలోవాట్ల బ్యాటరీ కలిగిన మాడల్‌ రూ.1,54,999గా నిర్ణయించింది. ఈ సందర్భంగా కంపెనీ సీఎండీ భావిష్‌ అగర్వాల్‌ మాట్లాడుతూ..దేశీయ ఈవీ విభాగంలో చరిత్ర సృష్టించిన సంస్థ..ఈసారి బైకుల సెగ్మెంట్‌లోకి అడుగుపెట్టినట్లు చెప్పారు.

రోడ్‌స్టర్‌ ఎక్స్‌ సిరీస్‌ బైకు ప్రత్యేకతలు..

• వీటిలో రోడ్‌స్టర్‌ ఎక్స్‌+ మాడల్‌ సింగిల్‌ చార్జింగ్‌తో 501 కిలోమీటర్లు ప్రయాణించనున్నది.
• కేవలం 2.7 సెకండ్లలో 40 కిమీ వేగాన్ని అందుకోనున్న ఈ బైకు గంటకు 125 కిలోమీటర్ల వేగంతో దూసుకుపోనున్నది.
• ఈ బైకులపై మూడేండ్లు లేదా 50 వేల కి.మీ. వరకు వ్యారంటీ కల్పిస్తున్నది.
• ముందస్తుగా ఈ బైకులు బుకింగ్‌ చేసుకున్నవారికి వచ్చే నెల చివరి నుంచి డెలివరీ చేయబోతున్నది.
• 4.3 ఇంచుల ఎల్‌సీడీ స్క్రీన్‌, మూవ్‌ ఆపరేటింగ్‌ సిస్టమ్‌ 5తో తీర్చిదిద్దింది.