Lloyds Banking Group | కోట్లాది కస్టమర్లు.. వేలాది ఉద్యోగులు లాయిడ్స్‌ బ్యాంకింగ్‌ గ్రూప్‌ సొంతం..
బ్రిటన్‌లోని అతిపెద్ద ఆర్థిక సేవల గ్రూపుల్లో లాయిడ్స్‌ బ్యాంకింగ్‌ గ్రూప్‌ ఒకటి. కోట్లాది కస్టమర్లకు సేవలందిస్తున్న ఈ గ్రూపులో వేలాది ఉద్యోగులు పనిచేస్తున్నారు. ఇంతటి పేరున్న గ్రూప్‌.. హైదరాబాద్‌లో ఓ నూతన టెక్నాలజీ సెంటర్‌ను ఏర్పాటు చేస్తుండటం విశేషం.
Lloyds Banking Group | బ్రిటన్‌లోని అతిపెద్ద ఆర్థిక సేవల గ్రూపుల్లో లాయిడ్స్‌ బ్యాంకింగ్‌ గ్రూప్‌ ఒకటి. కోట్లాది కస్టమర్లకు సేవలందిస్తున్న ఈ గ్రూపులో వేలాది ఉద్యోగులు పనిచేస్తున్నారు. ఇంతటి పేరున్న గ్రూప్‌.. హైదరాబాద్‌లో ఓ నూతన టెక్నాలజీ సెంటర్‌ను ఏర్పాటు చేస్తుండటం విశేషం. రెండున్నర శతాబ్దాలకుపైగా చరిత్ర కలిగిన లాయిడ్స్‌ బ్యాంక్‌ నుంచే ఈ లాయిడ్స్‌ బ్యాంకింగ్‌ గ్రూప్‌ పుట్టుకురాగా.. ప్రస్తుతం అన్ని లాయిడ్స్‌ కంపెనీలకు ఈ గ్రూపే మాతృ సంస్థ. ఇక బ్యాంకింగ్‌ సేవలతోపాటు బీమా, పెట్టుబడుల్లోనూ లాయిడ్స్‌ గ్రూప్‌ రాణిస్తున్నది.
బ్రిటన్‌తోపాటు ఐరోపా దేశాల్లోని పలు కంపెనీలను కొంటూ విస్తరిస్తూపోతున్న లాయిడ్స్‌ బ్యాంకింగ్‌ గ్రూప్‌.. ఆసియా దేశాలతోపాటు ఇతర ఖండాల్లోని దేశాల్లోనూ బలపడే దిశగా అడుగులు వేస్తున్నది. ఈ క్రమంలోనే తెలంగాణ రాజధాని నగరంలో టెక్నాలజీ సెంటర్‌ను తీసుకువస్తున్నది. రాష్ట్ర ఐటీ, పరిశ్రమల శాఖ మంత్రి కేటీఆర్‌ బ్రిటన్‌ పర్యటన నేపథ్యంలోనే లాయిడ్స్‌ బ్యాంకింగ్‌ గ్రూప్‌ టెక్నాలజీ సెంటర్‌ రావడం గమనార్హం. ఈ టెక్నాలజీ సెంటర్‌.. ఇక్కడి బ్యాంకింగ్‌, ఫైనాన్షియల్‌, బీమా రంగాల ఉన్నతికి దోహదపడగలదన్న విశ్వాసాన్ని రాష్ట్ర ప్రభుత్వం వ్యక్తం చేస్తున్నది.
లాయిడ్స్‌ బ్యాంకింగ్‌ గ్రూప్‌
ప్రారంభం : 2009
రంగం : బ్యాంకింగ్‌ ఫైనాన్షియల్‌ సర్వీసెస్‌
ప్రధాన కేంద్రం : లండన్‌ (బ్రిటన్‌)
చైర్మన్‌ : రాబిన్‌ బుడెన్‌బర్గ్‌
సీఈవో : చార్లీ నన్‌
ఉత్పత్తులు : రిటైల్‌, కమర్షియల్‌, ఇన్వెస్ట్‌మెంట్‌, ప్రైవేట్‌ బ్యాంకింగ్‌ సేవలు, జనరల్‌, లైఫ్‌ ఇన్సూరెన్స్‌ సేవలు, పెన్షన్స్‌
రెవిన్యూ : 13.957 బిలియన్‌ పౌండ్లు
లాభం : 5.555 బిలియన్‌ పౌండ్లు
మొత్తం ఆస్తులు : 877.8 బిలియన్‌ పౌండ్లు
ఉద్యోగులు : 58,000
కస్టమర్లు : దాదాపు 3 కోట్లు
అనుబంధ సంస్థలు : లాయిడ్స్‌ బ్యాంక్‌, బ్యాంక్‌ ఆఫ్ స్కాట్లాండ్‌, స్కాటిష్‌ విడోస్‌, లాయిడ్స్‌ డెవలప్‌మెంట్‌ క్యాపిటల్‌, అగ్రికల్చరల్‌ మార్ట్‌గేజ్‌ కార్పొరేషన్‌, బ్లాక్‌ హార్స్‌, లెక్స్‌ ఆటోలీజ్‌
Read Today's Latest Business News in Telugu and Telugu News
- Follow Us :
-
