Haier | పన్నుల ఎగవేత ఆరోపణలు.. హయర్‌ ఆఫీసులపై ఐటీ దాడులు

చైనాకు చెందిన ప్రముఖ గృహోపకరణాల తయారీ సంస్థ హయర్‌ (Haier) కార్యాలయాలపై ఆదాయపు పన్ను శాఖ (IT) అధికారులు దాడులు (Raids) చేస్తున్నారు. ఢిల్లీ, ముంబై, నోయిడా, పుణేతోపాటు దేశవ్యాప్తంగా ఉన్న ఇతర ప్రాంతాల్లోని హయర్‌ ఆఫీసుల్లో తనిఖీలు చేస్తున్నారు.

న్యూఢిల్లీ: చైనాకు చెందిన ప్రముఖ గృహోపకరణాల తయారీ సంస్థ హయర్‌ (Haier) కార్యాలయాలపై ఆదాయపు పన్ను శాఖ (IT) అధికారులు దాడులు (Raids) చేస్తున్నారు. ఢిల్లీ, ముంబై, నోయిడా, పుణేతోపాటు దేశవ్యాప్తంగా ఉన్న ఇతర ప్రాంతాల్లోని హయర్‌ ఆఫీసుల్లో తనిఖీలు చేస్తున్నారు. చైనాకు చెందిన ఈ సంస్థ పెద్ద మొత్తంలో పన్నులు ఎగ్గొడుతున్నట్లు ఆరోపణలు ఉన్నాయి. ఈ నేపథ్యంలోనే కంపెనీ కార్యాలయాలపై ఐటీ అధికారులు దాడులు చేస్తున్నారు. దీనికి సంబంధించి పూర్తి వివరాలు తెలియాల్సి ఉన్నది.

గృహోపకరణాల మార్కెట్‌లో హయర్‌ అప్లయన్సెస్‌ ఇండియా (హయర్‌ ఇండియా) గ్లోబల్‌ లీడర్‌గా దూసుకుపోతున్నది. వరుసగా 14 ఏండ్లుగా ప్రపంచ నంబర్‌ 1 బ్రాండ్‌గా నిలుస్తున్నది. దేశంలో వినియోగదారుల కోసం ఎన్నో వినూత్నమైన ఉత్పత్తులను అందిస్తున్నది.