ఆకట్టుకున్న గల్ఫ్‌ ఆయిల్‌.. తొలి త్రైమాసికంలో లాభమెంతంటే.

ప్రస్తుత ఆర్థిక సంవత్సరం తొలి త్రైమాసికానికిగాను రూ.68.30 కోట్ల నికర లాభాన్ని గడించింది గల్ఫ్‌ ఆయిల్‌ లుబ్రికెంట్స్‌ ఇండియా. అంతక్రితం ఏడాది ఇదే త్రైమాసికంలో నమోదైన రూ.56.53 కోట్ల లాభంతో పోలిస్తే 20.8 శాతం వృద్ధిని కనబరిచింది.

హైదరాబాద్‌, ఆగస్టు 3: ప్రస్తుత ఆర్థిక సంవత్సరం తొలి త్రైమాసికానికిగాను రూ.68.30 కోట్ల నికర లాభాన్ని గడించింది గల్ఫ్‌ ఆయిల్‌ లుబ్రికెంట్స్‌ ఇండియా. అంతక్రితం ఏడాది ఇదే త్రైమాసికంలో నమోదైన రూ.56.53 కోట్ల లాభంతో పోలిస్తే 20.8 శాతం వృద్ధిని కనబరిచింది.

హిందుజా గ్రూపునకు చెందిన ఈ సంస్థ ఆదాయం ఏడాది ప్రాతిపదికన 14.90 శాతం ఎగబాకి రూ.811.71 కోట్లకు చేరుకున్నది. గత త్రైమాసికపు ఆదాయం, పన్నులు చెల్లించిన తర్వాత లాభాల్లో రెండంకెల వృద్ధి నమోదైందని గల్ఫ్‌ ఆయిల్‌ ఎండీ, సీఈవో రవీ చావ్లా తెలిపారు.