విదేశీ లిస్టింగ్‌నిబంధనల్లో సవరణలు

భారతీయ కంపెనీల నిధుల సమీకరణకు కేంద్ర ప్రభుత్వం మరింత వెసులుబాటు కల్పించింది. ఇకపై గిఫ్ట్‌ ఐఎఫ్‌ఎస్‌సీలోని అంతర్జాతీయ స్టాక్‌ ఎక్స్ఛేంజీల్లో ఈక్విటీ షేర్లతోపాటు కన్వర్టబుల్‌ డిబెంచర్లు, ప్రిఫరెన్స్‌ షేర్లను కూడా లిస్ట్‌ చేసుకునేందుకు కేంద్రం నిబంధనలను సడలించింది

• డిబెంచర్లు, ప్రిఫరెన్స్‌ షేర్లకూ అవకాశం

న్యూఢిల్లీ, నవంబర్‌ 6: భారతీయ కంపెనీల నిధుల సమీకరణకు కేంద్ర ప్రభుత్వం మరింత వెసులుబాటు కల్పించింది. ఇకపై గిఫ్ట్‌ ఐఎఫ్‌ఎస్‌సీలోని అంతర్జాతీయ స్టాక్‌ ఎక్స్ఛేంజీల్లో ఈక్విటీ షేర్లతోపాటు కన్వర్టబుల్‌ డిబెంచర్లు, ప్రిఫరెన్స్‌ షేర్లను కూడా లిస్ట్‌ చేసుకునేందుకు కేంద్రం నిబంధనలను సడలించింది. కొన్ని షరతులకు లోబడి లిస్ట్‌కాని పబ్లిక్‌ కంపెనీలు, నికర విలువ ప్రతికూలంగా ఉన్న కంపెనీలకూ విదేశీ లిస్టింగ్‌కు అనుమతిచ్చింది.