All New Hyundai Verna | ఆల్‌న్యూ జ‌న‌రేష‌న్ హ్యుండాయ్ వెర్నా బుకింగ్స్ ప్రారంభం.. దేశీయ మార్కెట్‌లో 21న ఆవిష్క‌ర‌ణ‌!

All New Hyundai Verna | హ్యుండాయ్ మోటార్స్ ఆల్ న్యూ జ‌న‌రేష‌న్ వెర్నా కార్ల బుకింగ్స్ ప్రారంభించింది. ఈ నెల 21న మార్కెట్‌లోకి రానున్న‌ది. ఆస‌క్తి గ‌ల వారు రూ.25 వేల‌తో బుక్ చేసుకోవ‌చ్చు.

All New Hyundai Verna | ప్ర‌ముఖ కార్ల త‌యారీ సంస్థ హ్యుండాయ్ మోటార్ ఇండియా న్యూ జన‌రేష‌న్ హ్యుండాయ్ వెర్నా కార్ల కోసం ప్రీ-బుకింగ్స్ ప్రారంభం అయ్యాయి. ఈ నెల 21న న్యూ జ‌న‌రేష‌న్ వెర్నా కారును దేశీయ మార్కెట్‌లో ఆవిష్క‌రిస్తామ‌ని ప్ర‌క‌టించింది. న్యూ జ‌న‌రేష‌న్ వెర్నా కారు.. ఇటీవ‌లే మార్కెట్‌లో ఎంట‌రైన హోండా సిటీ ఫేస్‌లిఫ్ట్‌కు గ‌ట్టి పోటీ ఇవ్వ‌నున్న‌ది. ఆల్ న్యూ హ్యుండాయ్ వెర్నా పూర్తిగా ఫ్యూచ‌రిస్టిక్ న్యూ డిజైన్‌తో వ‌స్తున్న‌ది. చెన్నై ప్లాంట్‌లో ఉత్ప‌త్తి అవుతున్న ఆల్ న్యూ వెర్నా కారును వ‌చ్చే నెల‌లో క‌స్ట‌మ‌ర్ల‌కు డెలివ‌రీ ప్రారంభించ‌నున్న‌ట్లు హ్యుండాయ్ మోటార్ వెల్ల‌డించింది. రూ.25 వేలు చెల్లించి కారు బుకింగ్స్ చేసుకోవ‌చ్చున‌ని ఇంత‌కుముందే తెలిపింది.

ఇవీ ఆల్‌న్యూ జ‌న‌రేష‌న్ వెర్నా స్పెషిఫికేష‌న్స్‌..

• 1.5 లీట‌ర్ల నాచుర‌ల్ ఆస్పిరేటెడ్ పెట్రోల్ ఇంజిన్‌, 1.5 లీట‌ర్ల ట‌ర్బో పెట్రోల్ ఇంజిన్ ఆప్ష‌న్ల‌లో ల‌భ్యం.

• ఈ రెండు ఇంజిన్ల‌లో 6-స్పీడ్ మాన్యువ‌ల్ గేర్‌బాక్స్‌, డీసీటీ, సీవీటీ గేర్ బాక్స్ ఆప్ష‌న్లు ల‌భ్యం.

• 1.5 లీట‌ర్ల నాచుర‌ల్ ఆస్పిరేటెడ్ పెట్రోల్ ఇంజిన్ 115 పీఎస్‌ల విద్యుత్‌, 144 ఎన్ఎం టార్చి వెలువ‌రిస్తుంది.

• 1.5 లీట‌ర్ల ట‌ర్బో పెట్రోల్ ఇంజిన్ వేరియంట్ గ‌రిష్టంగా 160 పీఎస్ విద్యుత్‌, 253 ఎన్ఎం టార్చి వెలువ‌రిస్తుంది.

• 1.0 లీట‌ర్ల 3-సిలిండ‌ర్ మిల్ (120పీఎస్‌/ 172 ఎన్ఎం) స్థానంలో న్యూ ట‌ర్బో చార్జ్డ్ పెట్రోల్ ఇంజిన్ వ‌స్తున్న‌ది.

• ఆల్ న్యూ జ‌న‌రేష‌న్ వెర్నా కారులో డీజిల్ ఇంజిన్ వేరియంట్ తొల‌గింపు.

• మ‌ల్టీ-ప‌ర్ప‌స్ క‌న్సోల్‌, కూల్డ్ గ్లోవ్‌బాక్స్‌, మ‌ల్టీ బాటిల్ హోల్డ‌ర్‌, వైడ‌ర్ ట్రంక్ ఓపెనింగ్‌, ఫోన్ హోల్డ‌ర్‌.

• ల‌గ్జ‌రీ కారు త‌ర‌హా లేఔట్‌తో వ‌స్తున్న ఆల్ న్యూ వెర్నా ఇంటిగ్రేటెడ్ డిస్‌ప్లే, స్లిమ్ ఎయిర్ వెంట్స్‌.

• వెర్నా బూట్‌స్పేస్ 528 లీట‌ర్ల సామ‌ర్థ్యం. ఈ సెగ్మెంట్‌లో ఇదే గ‌రిష్టం.

• న్యూ జ‌న‌రేష‌న్ సెడాన్ వెర్నా వీల్ బేస్ 2670 ఎంఎం. ఇప్పుడు మార్కెట్‌లో ఉన్న దానికంటే 70 ఎంఎం ఎక్కువ‌.

• 4535 ఎంఎం పొడ‌వు, 1765 ఎంఎం వెడ‌ల్పు, 1475 ఎంఎం ఎత్తు.  ఫుల్ విడ్త్ ఎల్ఈడీ లైట్‌బార్ @ ఫ్రంట్ రేర్. ఎల్ఈడీ హెడ్‌లైట్స్‌.