అరబిందో మరో ఔషధానికి అమెరికా గ్రీన్‌సిగ్నల్‌

అరబిందో ఫార్మాకు చెందిన మరో ఔషధానికి అమెరికా నియంత్రణ మండలి గ్రీన్‌సిగ్నల్‌ ఇచ్చింది. టైప్‌-2 మధుమేహం ఉన్నవారిలో రక్తంలో చక్కెర స్థాయిలను నియంత్రించే ఔషధానికి జనరిక్‌ వెర్షన్‌ డాపాగ్లిఫోజిన్‌ ట్యాబ్లెట్‌కు యూఎస్‌ హెల్త్‌ రెగ్యులేటరీ తుది అనుమతులు మంజూరు చేసినట్టు కంపెనీ తెలిపింది.

న్యూఢిల్లీ, ఏప్రిల్‌ 7 : అరబిందో ఫార్మాకు చెందిన మరో ఔషధానికి అమెరికా నియంత్రణ మండలి గ్రీన్‌సిగ్నల్‌ ఇచ్చింది. టైప్‌-2 మధుమేహం ఉన్నవారిలో రక్తంలో చక్కెర స్థాయిలను నియంత్రించే ఔషధానికి జనరిక్‌ వెర్షన్‌ డాపాగ్లిఫోజిన్‌ ట్యాబ్లెట్‌కు యూఎస్‌ హెల్త్‌ రెగ్యులేటరీ తుది అనుమతులు మంజూరు చేసినట్టు కంపెనీ తెలిపింది.

అమెరికా మార్కెట్లో తయారు చేయడంతోపాటు అక్కడి మార్కెట్లో విక్రయించడానికి అనుమతి లభించిందని తెలిపింది. ఈ ట్యాబ్లెట్‌ 5 ఎంజీ, 10 ఎంజీ రకాల్లో లభించనున్నది. అరబిందోకు చెందిన సబ్సిడరీ సంస్థ ఏపీఎల్‌ హెల్త్‌కేర్‌ లిమిటెడ్‌కు చెందిన యూనిట్‌-4లో తయారవుతున్న ఈ ఔషధాన్ని త్వరలో అక్కడి మార్కెట్లో విడుదల చేయబోతున్నది.