టాటా సూపర్‌ యాప్‌

పారిశ్రామిక దిగ్గజం టాటా ఓ సూపర్‌ యాప్‌ను తీసుకువచ్చింది. ఆన్‌లైన్‌ షాపింగ్‌లో సరికొత్త విప్లవాన్ని తీసుకువచ్చేలా ‘నీయూ’ పేరుతో ఈ యాప్‌ను రూపొందించింది. అమెజాన్‌, ఫ్లిప్‌కార్ట్‌ లాంటి యాప్‌లకు గట్టి పోటీనిచ్చే ఈ యాప్‌ను గురువారం టాటా సన్స్‌ చైర్మన్‌ ఎన్‌. చంద్రశేఖరన్‌ ఆవిష్కరించారు. ‘ఇది నీయూ రోజు.

• ‘నీయూ’ పేరుతో ప్రారంభం

న్యూఢిల్లీ, ఏప్రిల్‌ 7: పారిశ్రామిక దిగ్గజం టాటా ఓ సూపర్‌ యాప్‌ను తీసుకువచ్చింది. ఆన్‌లైన్‌ షాపింగ్‌లో సరికొత్త విప్లవాన్ని తీసుకువచ్చేలా ‘నీయూ’ పేరుతో ఈ యాప్‌ను రూపొందించింది. అమెజాన్‌, ఫ్లిప్‌కార్ట్‌ లాంటి యాప్‌లకు గట్టి పోటీనిచ్చే ఈ యాప్‌ను గురువారం టాటా సన్స్‌ చైర్మన్‌ ఎన్‌. చంద్రశేఖరన్‌ ఆవిష్కరించారు. ‘ఇది నీయూ రోజు. టాటా కుటుంబం నుంచి కొత్త సభ్యుడు టాటా నీయూను టాటా డిజిటల్‌ మీ ముందు ఉంచింది’ అంటూ లింక్డెన్‌ పోస్ట్‌లో చంద్రశేఖరన్‌ రాశారు.

తమ విశ్వసనీయమైన బ్రాండ్లు ఎయిర్‌ ఏషియా, బిగ్‌ బాస్కట్‌, క్రోమా, ఇండియన్‌ హోటల్స్‌, క్యూమిన్‌, స్టార్‌బక్స్‌, టాటా 1ఎంజీ, టాటా క్లిక్‌, టాటా ప్లే, వెస్ట్‌సైడ్‌లు ఇప్పటికే టాటా నీయూలో ఉన్నాయని, త్వరలో విస్తారా, ఎయిర్‌ ఇండియా, టైటాన్‌, తనిష్క్‌, టాటా మోటార్స్‌ వచ్చి చేరతాయని ఆయన వివరించారు. కిరాణా-హోటల్‌ బుకింగ్‌, విమానయాన టికెట్ల బుకింగ్‌, ఔషధాలు తదితరాలన్నింటికీ ఒకే ప్లాట్‌ఫామ్‌పై అందించేందుకు ఈ యాప్‌ను ఉద్దేశించారు. గూగుల్‌ ప్లే స్టోర్‌లో ఈ యాప్‌ సిద్ధంగా ఉన్నది. యూజర్లు బిగ్‌ బాస్కెట్‌, 1ఎంజీ తదితర యాప్స్‌ను కలిగిఉంటే వాటిని ఆన్‌ఇన్‌స్టాల్‌ చేసి, సూపర్‌ యాప్‌ను ఇన్‌స్టాల్‌ చేసుకోవాలని టాటా ప్రతినిధి తెలిపారు.