Tata Altroz Facelift | నయా లుక్‌తో టాటా అల్ట్రోజ్‌.. వచ్చే నెల 2 నుంచి బుకింగ్‌లు

దేశీయ ఆటోమొబైల్‌ దిగ్గజం టాటా మోటర్స్‌ సరికొత్త మాడల్‌ను మార్కెట్లోకి విడుదల చేసింది. ప్రీమియం హ్యాచ్‌బ్యాక్‌ మాడల్‌ అల్ట్రోజ్‌ను సరికొత్తగా డిజైన్‌ చేసి మళ్లీ అందుబాటులోకి తీసుకొచ్చింది. ఏడు రకాల్లో లభించనున్న ఈ కారు రూ.6.89 లక్షల ప్రారంభ ధరతో లభించనున్నది.

• ప్రారంభ ధర రూ.6.89 లక్షలు

Tata Altroz Facelift  | ముంబై, మే 22 : దేశీయ ఆటోమొబైల్‌ దిగ్గజం టాటా మోటర్స్‌ సరికొత్త మాడల్‌ను మార్కెట్లోకి విడుదల చేసింది. ప్రీమియం హ్యాచ్‌బ్యాక్‌ మాడల్‌ అల్ట్రోజ్‌ను సరికొత్తగా డిజైన్‌ చేసి మళ్లీ అందుబాటులోకి తీసుకొచ్చింది. ఏడు రకాల్లో లభించనున్న ఈ కారు రూ.6.89 లక్షల ప్రారంభ ధరతో లభించనున్నది. గరిష్ఠంగా రూ.11.49 లక్షలుగా నిర్ణయించింది. ఈ ధరలు నూఢిల్లీ షోరూంనకు సంబంధించినవి.

1.2 లీటర్ల 3 సిలిండర్‌ పెట్రోల్‌ ఇంజిన్‌, 1.5 లీటర్ల 4 సిలిండర్‌ టర్బో డీజిల్‌ ఇంజిన్‌తో తయారు చేసింది. వచ్చే నెల 2న బుకింగ్‌లు ఆరంభించనున్న సంస్థ..అదే నెల చివరి నుంచి బుకింగ్‌ చేసుకున్న కస్టమర్‌కు అందచేయనున్నట్లు ప్రకటించింది. ఈ సందర్భంగా టాటా మోటర్స్‌ ప్యాసింజర్‌ వాహన ఎండీ శైలేష్‌ చంద్ర మాట్లాడుతూ..ప్రస్తుత ఆర్థిక సంవత్సరంలో ప్యాసింజర్‌ వాహన విక్రయాలు సింగిల్‌ డిజిట్‌కు పరిమితంకానున్నట్టు చెప్పారు.

కారు ఫీచర్లు..

• అన్ని వైపుల చూసే విధంగా కెమెరా
• వాయిస్‌తో ఎలక్ట్రిక్‌ సన్‌రూఫ్‌ కంట్రోల్‌
• వైర్‌లెస్‌ ఆండ్రాయిడ్‌ ఆటో అండ్‌ యాపిల్‌ కార్‌ప్లే, వైర్‌లెస్‌ చార్జింగ్‌, డ్యూయల్‌ 65వాట్ల టైప్‌ సీ ఫాస్ట్‌ చార్జర్‌, ఎయిర్‌ ప్యూరిఫైర్‌
• 10.25 ఇంచుల ఆల్ట్రా వ్యూ ఇన్ఫోటైన్‌మెంట్‌ సిస్టమ్‌
• ఆరు ఎయిర్‌బ్యాగ్‌లు, ఈఎస్‌పీ స్టాండర్డ్‌తో తీర్చిదిద్దింది