చేతక్‌ నయా ఈ-స్కూటర్‌

ప్రముఖ వాహన సంస్థ బజాజ్‌ ఆటో..దేశీయ మార్కెట్‌కు నయా ఈ-స్కూటర్‌ను పరిచయం చేసింది. మార్కెట్లో అత్యంత ప్రజాదరణ పొందిన చేతక్‌ను అప్‌గ్రేడ్‌ చేసి మళ్లీ మార్కెట్లోకి అందుబాటులోకి తీసుకొచ్చింది.

• ధర రూ.1.15 లక్షలు
• సింగిల్‌ చార్జింగ్‌తో 127 కిలోమీటర్లు

పుణె, జనవరి 4: ప్రముఖ వాహన సంస్థ బజాజ్‌ ఆటో..దేశీయ మార్కెట్‌కు నయా ఈ-స్కూటర్‌ను పరిచయం చేసింది. మార్కెట్లో అత్యంత ప్రజాదరణ పొందిన చేతక్‌ను అప్‌గ్రేడ్‌ చేసి మళ్లీ మార్కెట్లోకి అందుబాటులోకి తీసుకొచ్చింది. దేశీయంగా ఈవీలకు పెరుగుతున్న డిమాండ్‌ను దృష్టిలో పెట్టుకొని ఈ నయా స్కూటర్‌ను విడుదల చేసినట్లు కంపెనీ వర్గాలు వెల్లడించాయి. గతంలో విడుదల చేసిన స్కూటర్‌కు కొనుగోలుదారుల నుంచి విశేష స్పందన లభించిందని, ఇప్పటి వరకు లక్షకు పైగా యూనిట్లు అమ్ముడయ్యాయని పేర్కొంది. చేతక్‌ ప్రీమియం 2024, చేతక్‌ అర్బన్‌ 2024 పేర్లతో విడుదల చేసిన ఈ స్కూటర్ల ప్రారంభ ధర రూ.1,15,001గా నిర్ణయించింది.

• చేతక్‌ ప్రీమియం 2024లో టీఎఫ్‌టీ డిస్‌ప్లే, టీబీటీ నావిగేషన్‌ సపోర్ట్‌, మ్యూజిక్‌ కంట్రోల్‌, కాల్‌ చేసుకునే అవకాశం ఉన్నది.
• 3.2 కిలోవాట్ల బ్యాటరీతో తయారైన ఈ స్కూటర్‌ 127 కిలోమీటర్లు ప్రయాణించనున్నది. టాప్‌ స్పీడ్‌ 73 కిలోమీటర్లు.
• నూతన ఫీచర్లలో భాగంగా బ్లూటూత్‌, యాప్‌ కనెక్టివిటీ చేసుకోవచ్చును.
• నాలుగు కలర్స్‌లో లభించనున్న చేతక్‌ అర్బన్‌ 2024 మాడల్‌ ధర రూ.1,15,011గాను, చేతక్‌ ప్రీమియం 2024 మాడల్‌ ధరూ.1,35,463గా నిర్ణయించింది. ఈ ధరలు ఢిల్లీ షోరూంనకు సంబంధించినవి.
• ఈ స్కూటర్లు దేశవ్యాప్తంగా ఉన్న 150 ఎక్స్‌క్లూజివ్‌ చేతక్‌ వర్క్‌షాపుల్లో లభించనున్నాయి.