Laser Treatment | లేజర్‌ ట్రీట్‌మెంట్‌తో కాళ్లు, చేతుల మీది వెంట్రుకలు తొలగించుకోవడం మంచిదేనా?

Laser Treatment | అవును, ఇటీవలి కాలంలో లేజర్‌ కిరణాల ద్వారా చికిత్సలు ఎక్కువ అయ్యాయి. నొప్పి లేని విధానం కావడం వల్ల చాలా మంది మొగ్గు చూపుతున్నారు. షేవింగ్‌, వ్యాక్సింగ్‌లాంటి పద్ధతుల్లో మళ్లీ మళ్లీ వెంట్రుకలు మొలుస్తాయి. అదే లేజర్‌ విధానంలో శాశ్వతంగా తొలగించుకోవచ్చు.

Laser Treatment |  ఇటీవలి కాలంలో లేజర్‌ చికిత్స ద్వారా వ్యక్తిగత భాగాలు, చంకలు, కాళ్లూ చేతుల మీది వెంట్రుకలను శాశ్వతంగా తొలగిస్తున్నారు. ఇది సురక్షితమేనా?

 – ఓ పాఠకురాలు

అవును, ఇటీవలి కాలంలో లేజర్‌ కిరణాల ద్వారా చికిత్సలు ఎక్కువ అయ్యాయి. నొప్పి లేని విధానం కావడం వల్ల చాలా మంది మొగ్గు చూపుతున్నారు. షేవింగ్‌, వ్యాక్సింగ్‌లాంటి పద్ధతుల్లో మళ్లీ మళ్లీ వెంట్రుకలు మొలుస్తాయి. అదే లేజర్‌ విధానంలో శాశ్వతంగా తొలగించుకోవచ్చు. ఖరీదైన వ్యవహారమే అయినా, ఎంచుకుంటున్నవారి సంఖ్య పెరుగుతున్నది. వ్యక్తిగత భాగాలైనా, బయటి ప్రాంతమైనా లేజర్‌ చికిత్స వల్ల ప్రమాదం అని చెప్పలేం. అయితే, కిరణాల తీవ్రత ఎక్కువైతే చర్మం కాలిపోయే ప్రమాదం ఉంది.

గాయాలకూ ఆస్కారం ఉంది. కాబట్టి, బాగా అనుభవం ఉన్న సర్టిఫైడ్‌ సంస్థ దగ్గర చేయించుకోవడం మంచిది. డెర్మటాలజిస్టు సలహా తీసుకోవాలి. ఒక వేళ చికిత్స కూడా వాళ్లే చేస్తే అక్కడే చేయించుకోవడం మేలు. ఎందుకంటే.. ఎక్కడి చర్మం ఎంత సున్నితం, ఎవరి చర్మం తీరు ఏమిటి అన్నది అర్థం చేసుకుని చికిత్స చేయగలరు. దానివల్ల తీవ్ర దుష్ఫలితాలకు అవకాశం తక్కువ. అర్హత, అనుభవం.. రెండూలేని వ్యాపార సంస్థల జోలికి వెళ్లకపోవడమే మంచిది.