Sajjala Ramakrishna Reddy | పంచాయతీల్లోనూ గట్టి పోటీ ఇవ్వాలి.. శ్రేణులకు వైసీపీ కో ఆర్డినేటర్‌ సజ్జల పిలుపు

Sajjala Ramakrishna Reddy | రానున్న పంచాయతీ ఎన్నికల్లోనూ వైసీపీ కార్యకర్తలు తప్పనిసరిగా పోటీ చేయాలని వైసీపీ స్టేట్‌ కో-ఆర్డినేటర్‌ సజ్జల రామకృష్ణారెడ్డి సూచించారు.

అమరావతి : మున్సిపల్‌, పరిషత్‌ ఎన్నికల్లో అన్ని స్థానాలకు పోటీ చేసిన విధంగానే రానున్న పంచాయతీ ఎన్నికల్లోనూ (Panchayat Elections ) వైసీపీ కార్యకర్తలు తప్పనిసరిగా పోటీ చేయాలని వైసీపీ స్టేట్‌ కో-ఆర్డినేటర్‌ సజ్జల రామకృష్ణారెడ్డి ( Sajjala Ramakrishna Reddy ) సూచించారు. ఏ ఒక్క సర్పంచ్‌, వార్డు స్థానాలను పోటీ లేకుండా వదలొద్దని వెల్లడించారు.

శనివారం పార్టీ ముఖ్య నేతలతో నిర్వహించిన టెలీ కాన్ఫరెన్స్‌లో ఆయన మాట్లాడారు. గెలుపోటముల తో సంబంధం లేకుండా ప్రతి స్థానంలో గట్టి పోటీ ఇవ్వాలని కోరారు. ప్రతి గ్రామంలో వైఎస్సార్‌సీపీ మద్దతుదారులు తప్పనిసరిగా బరిలో ఉండేలా పార్టీ శ్రేణులంతా సమన్వయంతో పని చేయాలని సూచించారు.

అధికార పార్టీ బెదిరింపులు, ప్రలోభాలు, అక్రమాలను ధైర్యంగా ఎదుర్కోవాలని, నామినేషన్ల అడ్డగింతలు, పోలీసుల దౌర్జన్యాలపై వీడియో ఆధారాలు సేకరించాలని సూచించారు. ఎన్నికల అక్రమాలపై ఎన్నికల అధికారులు ఫిర్యాదులు చేసి, అవసరమైతే న్యాయ పోరాటానికి సిద్ధంగా ఉండాలన్నారు.టెలీ కాన్ఫరెన్స్‌కు పార్లమెంట్‌, అసెంబ్లీ నియోజకవర్గ పరిశీలకులు హాజరయ్యారు.