ఆగ‌స్టులో తిరుపతి శ్రీకోదండరామాలయంలో విశేష ఉత్సవాలు

తిరుపతి శ్రీకోదండరామాలయం | తిరుపతిలోని శ్రీకోదండరామాలయంలో ఆగ‌స్టు నెలలో పలు విశేష ఉత్సవాలు జరుగనున్నాయి.

తిరుమల : తిరుపతిలోని శ్రీకోదండరామాలయంలో ఆగ‌స్టు నెలలో పలు విశేష ఉత్సవాలు జరుగనున్నాయి. ఆగ‌స్టు 4వ తేదీ నుంచి 6వ తేదీ వ‌ర‌కు ప‌విత్రోత్సవాలు జ‌రుగ‌నున్నాయి. 7, 14, 21, 28వ‌ తేదీల్లో శనివారం సందర్భంగా ఉదయం 6 గంటలకు శ్రీసీతారామ లక్ష్మణుల మూలవర్ల అభిషేకం, రాత్రి 7 గంటలకు ఊంజల్‌సేవ నిర్వహిస్తారు. ఆగ‌స్టు 7న పున‌ర్వసు న‌క్షత్రాన్ని పుర‌స్కరించుకుని ఉద‌యం 11 గంట‌ల‌కు శ్రీసీతారాముల క‌ల్యాణం నిర్వహిస్తారు. 8న అమావాస్య సందర్భంగా ఉదయం 6.30 గంటలకు సహస్ర కలశాభిషేకం జరుగనుంది. 22న పౌర్ణమి సందర్భంగా ఉదయం 9 గంటలకు అష్టోత్తర శతకలశాభిషేకం నిర్వహిస్తారు.