Nagon Express | నాగోన్‌ ఎక్స్‌ప్రెస్‌ రైలులో పొగలు.. భయంతో పరుగులు తీసిన ప్రయాణికులు

Nagon Express | అసోం నుంచి తమిళనాడుకు బయలు దేరిన ఓ ఎక్స్‌ప్రెస్‌ రైలు నుంచి పొగలు రావడంతో ప్రయాణికులు భయాందోళనకు గురైన సంఘటన ఆంధ్రప్రదేశ్‌లో చోటు చేసుకుంది.

అమరావతి : అసోం నుంచి తమిళనాడుకు బయలు దేరిన ఓ ఎక్స్‌ప్రెస్‌ రైలు నుంచి పొగలు రావడంతో ప్రయాణికులు(Passengers ) భయాందోళనకు గురైన సంఘటన ఆంధ్రప్రదేశ్‌లో చోటు చేసుకుంది. అసోంలోని సిరాట్‌ నుంచి తమిళనాడుకు బయలు దేరిన నాగోన్‌ ఎక్స్‌ప్రెస్‌(Nagon Express) రైలు నెల్లూరు జిల్లా కావలి అడవిరాజుపాలెం సిరిపురం రైల్వేగేట్‌ వద్ద పొగలు రావడంతో నిలిచిపోయింది.

పొగలు గమనించిన లోకోపైలట్ రైలును నిలిపివేశారు. పొగలు వ్యాపిస్తుండడంతో ప్రయాణికులు ఆందోళనకు గురై పరుగులు తీశారు. అనంతరం మరమ్మతు సిబ్బంది బ్రేకుల నుంచి పొగరావడాన్ని గమనించి మరమ్మతు చేశారు. అనంతరం అరగంట అనంతరం అక్కడి నుంచి రైలు బయలు దేరింది.