Srisailam | భ్రమరాంబదేవి అమ్మవారికి హైదరాబాద్ వాసి బంగారం హారం విరాళం..!

Srisailam | శ్రీశైలం భ్రమరాంబదేవి అమ్మవారికి హైదరాబాద్ వాసి నాగోజీ వెంకటేశ్వర కుమార్, శివ కుమారి దంపతులు మంగళవారం బంగారం హారాన్ని సమర్పించారు.

July 16, 2024 / 07:30 PM IST

Srisailam | శ్రీశైలం భ్రమరాంబదేవి అమ్మవారికి హైదరాబాద్ వాసి నాగోజీ వెంకటేశ్వర కుమార్, శివ కుమారి దంపతులు మంగళవారం బంగారం హారాన్ని సమర్పించారు. మామిడి పిందెల డిజైన్ తో రూపొందించిన ఈ హారాన్ని దేవస్థానం ఈఓ డీ పెద్దిరాజుకు వెంకటేశ్వర కుమార్, శివ కుమారి దంపతులు అందజేశారు. ముత్యాలు, ఎర్రరాళ్లు, పచ్చరాళ్లు, తెల్ల రాళ్లతో కూడిన బంగారం హారం మొత్తం 120 గ్రాములు ఉంటుంది. ఈ సందర్భంగా వెంకటేశ్వర కుమార్- శివకుమారి దంపతులకు స్వామి వారి శేష వస్త్రాలు, ప్రసాదాలు, సంబంధిత రశీదు అందజేశారు. దాతలు వెంకటేశ్వర కుమార్ – శివకుమార్ మాట్లాడుతూ ఈ హారం విలువ రూ.8.35 లక్షలు ఉంటుందని తెలిపారు.

Srisailam

భ్రమరాంబ మల్లికార్జున స్వామి అమ్మవార్లను దర్శించుకున్న గోవా మంత్రి

శ్రీ భ్రమరాంబ మల్లికార్జున స్వామి అమ్మవార్లను గోవా ఆరోగ్య శాఖామంత్రి విశ్వజిత్ పి రాణే, విజయవాడ ఏపీ ఎస్పీఎఫ్ డీజీపీ త్రివిక్రమ్ వర్మ దర్శించుకున్నారు. మంగళవారం తెల్లవారుజామున శ్రీకృష్ణ రాయ గోపురం వద్దకు చేరుకున్న వీరికి ఈవో పెద్దిరాజు, ఏఈఓ శ్రీనివాసరావు అర్చక వేద పండితులు ఆలయ మర్యాదలతో స్వాగతం పలికారు. శ్రీ భ్రమరాంబ మల్లికార్జున స్వామి అమ్మవార్లకు ప్రత్యేక పూజలు చేసుకున్నట్లు ఆలయ అధికారులు తెలిపారు.

Srisailam Goa

స్వామి అమ్మవార్ల దర్శనం అనంతరం అమ్మవారి ఆశీర్వచన మండపంలో గోవా ఆరోగ్య శాఖామంత్రి విశ్వజిత్ పి రాణే, విజయవాడ ఏపీ ఎస్పీఎఫ్ డీజీపీ త్రివిక్రమ్ వర్మలకు అర్చక వేద పండితులచే వేద ఆశీర్వచనం చేయించి శేష వస్త్రాలు లడ్డు ప్రసాదం జ్ఞాపికలను అందించారు. ఈ కార్యక్రమంలో ఈవోతో పాటు ఏఈవోలు, హరిదాస్, శ్రీనివాస రావు, శ్రీశైలం వన్ టౌన్ సిఐ ప్రసాద్ రావులు పాల్గొన్నారు.