Cyclone Arnab | అర్న‌బ్ తుపాను ఎఫెక్ట్‌.. అనంత‌గిరిలో కొట్టుకుపోయిన వంతెన‌లు..!

Cyclone Arnab | ఆంధ్ర‌ప్ర‌దేశ్ రాష్ట్రం అల్లూరి సీతారామరాజు జిల్లాలో అర్నబ్‌ తుపాను తీవ్ర ప్ర‌భావం చూపుతోంది. జిల్లాలోని అనంతగిరి మండలంలో ప‌లుచోట్ల ఈదురుగాలులు, భారీ వ‌ర్షాల కార‌ణంగా వంతెన‌లు కొట్టుకుపోయాయి. మండ‌లంలోని అనంతగిరి పంచాయతీ పరిధిలోగ‌ల‌ తాడిగూడ గ్రామంలో అర్నబ్ తుపాను కారణంగా తీవ్రమైన ఈదురుగాలులతో భారీ వ‌ర్షం కురిసింది.

Cyclone Arnab : ఆంధ్ర‌ప్ర‌దేశ్ రాష్ట్రం అల్లూరి సీతారామరాజు జిల్లాలో అర్నబ్‌ తుపాను తీవ్ర ప్ర‌భావం చూపుతోంది. జిల్లాలోని అనంతగిరి మండలంలో ప‌లుచోట్ల ఈదురుగాలులు, భారీ వ‌ర్షాల కార‌ణంగా వంతెన‌లు కొట్టుకుపోయాయి. మండ‌లంలోని అనంతగిరి పంచాయతీ పరిధిలోగ‌ల‌ తాడిగూడ గ్రామంలో అర్నబ్ తుపాను కారణంగా తీవ్రమైన ఈదురుగాలులతో భారీ వ‌ర్షం కురిసింది. దాంతో వంతెన కొట్టుకుపోయింది.

వంతెన కొట్టుకుపోవ‌డంతో రాకపోకలకు తీవ్ర‌ అంతరాయం ఏర్పడింది. ఈ క్ర‌మంలో ప్రభుత్వం స్పందించి వెంట‌నే వంతెనను నిర్మించాలని తాడిగూడ గ్రామస్థులు కోరుతున్నారు. అదేవిధంగా అనంతగిరి మండలంలోని కొత్తూరు పంచాయతీ శివలింగపురం-కృష్ణాపురం మధ్యనున్న వంతెనపై నుంచి నీరు పొంగిపొర్లడంతో వ‌ర‌ద తాకిడికి కొట్టుకుపోయింది. ఇంకా మండలంలోని కాశీపట్నం వద్ద తుపాను తీవ్రతకు గోస్తని నది ప్రమాదకరంగా ప్రవహిస్తున్న‌ది.