AP News | నీ ఆరోపణలకు ఆధారాలు చూపించు.. జగన్‌కు పల్లా సవాలు

AP News | వైఎస్‌ జగన్‌ మరోసారి శవ రాజకీయాలకు తెరలేపారని టీడీపీ రాష్ట్ర అధ్యక్షుడు పల్లా శ్రీనివాసరావు ఆరోపించారు. వ్యక్తిగత హత్యలను టీడీపీకి రుద్దుతున్నారని ధ్వజమెత్తారు. తాను చేసిన ఆరోపణలకు ఆధారాలు చూపించాలని జగన్‌ను డిమాండ్‌ చేశారు.

AP News | వైఎస్‌ జగన్‌ మరోసారి శవ రాజకీయాలకు తెరలేపారని టీడీపీ రాష్ట్ర అధ్యక్షుడు పల్లా శ్రీనివాసరావు ఆరోపించారు. వ్యక్తిగత హత్యలను టీడీపీకి రుద్దుతున్నారని ధ్వజమెత్తారు. తాను చేసిన ఆరోపణలకు ఆధారాలు చూపించాలని జగన్‌ను డిమాండ్‌ చేశారు.

వినుకొండ బాధితులను పరామర్శించేందుకు వెళ్లి ఏపీలో రాష్ట్రపతి పాలన కోరడం, గవర్నర్‌ ప్రసంగం అడ్డుకుంటామనడం జగన్‌ దివాళాకోరుతనానికి నిదర్శనమని పల్లా శ్రీనివాసరావు విమర్శించారు. గత ప్రభుత్వం పెట్టేన రాజకీయ ప్రేరేపిత కేసులను 100 రోజుల్లో చట్టబద్ధంగా ఎత్తివేయించేందుకు ప్రయత్నిస్తామని తెలిపారు. వారంలో రెండు రోజులు కార్యకర్తలకే సమయం కేటాయిస్తానని చెప్పారు. నిబద్ధతతో పనిచేసిన వారికి నామినేటెడ్‌ పదవులు దక్కుతాయని తెలిపారు. కార్యకర్తల సంక్షేమం, రాష్ట్ర అభివృద్ధే తమకు ముఖ్యమని స్పష్టం చేశారు.

వినుకొండలో వైసీపీ కార్యకర్త రషీద్‌ హత్యను టీడీపీకి అంటగట్టడంపైనా పల్లా శ్రీనివాసరావు ధ్వజమెత్తారు. రషీద్‌ హత్యకు జిలానీ కారణమని.. వాళ్ల మధ్య సంవత్సరం నుంచే గొడవలు ఉన్నాయని తెలిపారు. ఏడాది కిందట అప్పటి ఎమ్మెల్యే బొల్లా బ్రహ్మనాయుడు దగ్గర పంచాయతీ కూడా జరిగిందని అన్నారు. ఆ పంచాయతీ తేలకపోవడంతోనే ఈ హత్య జరిగిందని పేర్కొన్నారు. టీడీపీ ఎప్పుడూ ముస్లింల సంక్షేమానికి కట్టుబడి ఉందని స్పష్టం చేశారు. తన ఉనికిని కాపాడుకునేందుకే జగన్‌ శవ రాజకీయాలు చేస్తున్నారని మండిపడ్డారు.