AP News | ఏపీలో జ‌డ్పీటీసీ, ఎంపీటీసీ ఎన్నిక‌లు రీషెడ్యూల్‌..!

AP News | ఆంధ్రప్రదేశ్‌లో జరగాల్సిన జ‌డ్పీటీసీ, ఎంపీటీసీ ఎన్నిక‌ల‌ను రీషెడ్యూల్ చేశారు. గతంలో ప్రకటించిన షెడ్యూల్‌లో ఆ రాష్ట్ర ఎన్నికల సంఘం మార్పులు చేసింది. పోలింగ్ తేదీతోపాటు ఓట్ల లెక్కింపు తేదీని కూడా రెండు రోజులు వెనక్కి జరిపింది. గతంలో ప్రకటించిన షెడ్యూల్ ప్రకారం నవంబర్ 3వ తేదీన జెడ్పీటీసీ, ఎంపీటీసీ ఎన్నికల పోలింగ్ జరగాల్సి ఉంది.

AP News : ఆంధ్రప్రదేశ్‌లో జరగాల్సిన జ‌డ్పీటీసీ, ఎంపీటీసీ ఎన్నిక‌ల‌ను రీషెడ్యూల్ చేశారు. గతంలో ప్రకటించిన షెడ్యూల్‌లో ఆ రాష్ట్ర ఎన్నికల సంఘం మార్పులు చేసింది. పోలింగ్ తేదీతోపాటు ఓట్ల లెక్కింపు తేదీని కూడా రెండు రోజులు వెనక్కి జరిపింది. గతంలో ప్రకటించిన షెడ్యూల్ ప్రకారం నవంబర్ 3వ తేదీన జెడ్పీటీసీ, ఎంపీటీసీ ఎన్నికల పోలింగ్ జరగాల్సి ఉంది. అయితే ఇప్పుడు ఆ పోలింగ్ తేదీని నవంబర్ 5వ తేదీకి మార్చారు.

అదేవిధంగా నవంబర్ 5న చేపట్టాల్సిన ఓట్ల లెక్కింపును నవంబర్ 7వ తేదీన నిర్వహించనున్నట్లు అధికారులు వెల్లడించారు. ఈ మార్పులకుగల కారణాలను అధికారులు స్పష్టంగా వెల్లడించనప్పటికీ, పరిపాలనా సౌలభ్యం కోసమే ఈ నిర్ణయం తీసుకున్నట్లు తెలుస్తోంది. మొత్తం మీద ముందుగా ప్రకటించిన తేదీలతో పోలిస్తే పోలింగ్, కౌంటింగ్ ప్రక్రియలు రెండు రెండు రోజుల ఆలస్యంగా జరగనున్నాయి. ఈ మార్పులను అభ్యర్థులు, అధికారులు, ప్రజలు గమనించాలని ఎన్నికల సంఘం సూచించింది.

దాంతో రాష్ట్రవ్యాప్తంగా ఎన్నికల ఏర్పాట్లను కొత్త తేదీలకు అనుగుణంగా అధికారులు సవరించుకుంటున్నారు.