Chiranjeevi | బాలయ్య అన్స్టాపబుల్ సీజన్ 5కు చిరంజీవి గెస్ట్ .. మెగా వర్స్ వర్సెస్ అన్స్టాపబుల్పై ఆసక్తికర చర్చ!
Chiranjeevi | నందమూరి బాలకృష్ణ హోస్ట్గా వ్యవహరించిన ‘అన్స్టాపబుల్ విత్ NBK’ టాక్ షో తెలుగు ప్రేక్షకుల్లో విపరీతమైన క్రేజ్ సంపాదించుకుంది. స్టార్ హీరోలు, దర్శకులు, నిర్మాతలను తనదైన శైలిలో ప్రశ్నిస్తూ.. పంచులు, చమత్కారాలతో బాలయ్య చేసిన సందడి ప్రేక్షకులను ఎంతగానో ఆకట్టుకుంది.
Chiranjeevi | నందమూరి బాలకృష్ణ హోస్ట్గా వ్యవహరించిన ‘అన్స్టాపబుల్ విత్ NBK’ టాక్ షో తెలుగు ప్రేక్షకుల్లో విపరీతమైన క్రేజ్ సంపాదించుకుంది. స్టార్ హీరోలు, దర్శకులు, నిర్మాతలను తనదైన శైలిలో ప్రశ్నిస్తూ.. పంచులు, చమత్కారాలతో బాలయ్య చేసిన సందడి ప్రేక్షకులను ఎంతగానో ఆకట్టుకుంది. ఇప్పటికే నాలుగు సీజన్లతో విజయవంతమైన ఈ షోకు కొంతకాలంగా బ్రేక్ పడింది. అయితే ఇప్పుడు మరోసారి బాలకృష్ణ ‘అన్స్టాపబుల్’ సీజన్ 5తో ప్రేక్షకుల ముందుకు రాబోతున్నారనే వార్తలు వినిపిస్తున్నాయి. అంతేకాదు, ఈ కొత్త సీజన్ తొలి ఎపిసోడ్కు మెగాస్టార్ చిరంజీవి గెస్ట్గా హాజరుకానున్నారనే ప్రచారం సినీ వర్గాల్లో ఆసక్తిని రేకెత్తిస్తోంది. బాలకృష్ణ హోస్ట్గా వ్యవహరించిన అన్స్టాపబుల్ టాక్ షో ఆహా ఓటీటీ వేదికగా మంచి విజయాన్ని సాధించింది. ఈ షోలో బాలయ్య తనదైన ప్రశ్నలతో సెలబ్రిటీలను ఇబ్బంది పెట్టడం, వారి వ్యక్తిగత జీవితాల్లోని ఆసక్తికర విషయాలను బయటకు తీసుకురావడం, సరదా సంభాషణలతో ప్రేక్షకులను నవ్వించడం ప్రత్యేక ఆకర్షణగా నిలిచాయి.
ముఖ్యంగా స్టార్ హీరోలు, రాజకీయ ప్రముఖులు, దర్శకులు ఈ షోకు హాజరై తమ కెరీర్, వ్యక్తిగత జీవితం, వివాదాలు, అనుభవాల గురించి మాట్లాడటంతో ప్రతి ఎపిసోడ్కు మంచి ఆదరణ లభించింది. నాలుగు సీజన్ల పాటు ప్రేక్షకులను అలరించిన ఈ కార్యక్రమానికి ఇప్పుడు మరో సీజన్ తీసుకురావాలని నిర్వాహకులు భావిస్తున్నట్లు ప్రచారం జరుగుతోంది. సీజన్ 5 కోసం ప్రీ-ప్రొడక్షన్ పనులు జరుగుతున్నాయని, త్వరలోనే షూటింగ్ ప్రారంభమయ్యే అవకాశం ఉందని టాక్ వినిపిస్తోంది. అయితే దీనిపై అధికారిక ప్రకటన రావాల్సి ఉంది.
అన్స్టాపబుల్ సీజన్ 5పై వస్తున్న వార్తల్లో అత్యంత ఆసక్తికరమైన అంశం చిరంజీవి గెస్ట్గా హాజరుకానున్నారనే ప్రచారం. బాలకృష్ణ, చిరంజీవి ఇద్దరూ తెలుగు సినీ పరిశ్రమలో అగ్రస్థానంలో ఉన్న స్టార్ హీరోలు. వీరిద్దరూ ఒకే వేదికపై కనిపిస్తే అభిమానులకు అది ప్రత్యేకమైన ఎపిసోడ్గా నిలిచే అవకాశం ఉంది. ఇప్పటికే బాలయ్య, చిరంజీవి మధ్య స్నేహపూర్వక సంబంధాలు, ఒకరిపై మరొకరు గౌరవం వ్యక్తం చేసిన సందర్భాలు అభిమానుల్లో మంచి స్పందన తెచ్చుకున్నాయి. అలాంటి ఇద్దరు దిగ్గజాలు టాక్ షో వేదికపై కలిసి కనిపిస్తే.. వారి సంభాషణలు, పాత జ్ఞాపకాలు, సినీ ప్రయాణం, ఆసక్తికర ప్రశ్నలు ప్రేక్షకులకు మంచి వినోదాన్ని అందిస్తాయని భావిస్తున్నారు. మరోవైపు మెగాస్టార్ చిరంజీవి కూడా ఓటీటీ రంగంలో టాక్ షోతో ప్రేక్షకులను అలరించేందుకు సిద్ధమవుతున్నారు. నెట్ఫ్లిక్స్ వేదికగా చిరంజీవి చేస్తున్న ‘మెగా వర్స్’ టాక్ షో గురించి ఇప్పటికే వార్తలు వెలువడ్డాయి. ఈ కార్యక్రమానికి సంబంధించిన కొన్ని ఎపిసోడ్ల షూటింగ్ కూడా పూర్తయినట్లు సమాచారం. త్వరలోనే ఈ షో ప్రేక్షకుల ముందుకు వచ్చే అవకాశాలు ఉన్నాయని ప్రచారం జరుగుతోంది.
Read Today's Latest Cinema News in Telugu and Telugu News
RELATED ARTICLES
తాజా వార్తలు
Chiranjeevi | బాలయ్య అన్స్టాపబుల్ సీజన్ 5కు చిరంజీవి గెస్ట్ .. మెగా వర్స్ వర్సెస్ అన్స్టాపబుల్పై ఆసక్తికర చర్చ!
Suriya | ఒకే ఏడాదిలో మూడు సినిమాలతో రూ.200 కోట్ల క్లబ్.. ‘సీన్’ సక్సెస్పై సూర్య ఎమోషనల్ వీడియో!
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

