Fiber Net Scam | ఫైబర్ నెట్ స్కీంలో చంద్ర బాబు మెడకు ఉచ్చు.. చార్జిషీట్ దాఖలు చేసిన సీఐడీ..!

Fiber Net Scam | టీడీపీ అధినేత నారా చంద్రబాబు నాయుడుకు మరో చిక్కొచ్చి పడింది. ఏపీ ఫైబర్ నెట్ స్కామ్ కేసులో సీఐడీ శుక్రవారం చార్జిషీట్ దాఖలు చేసింది.

Fiber Net Scam | టీడీపీ అధినేత నారా చంద్రబాబు నాయుడుకు మరో చిక్కొచ్చి పడింది. ఏపీ ఫైబర్ నెట్ స్కామ్ కేసులో సీఐడీ శుక్రవారం చార్జిషీట్ దాఖలు చేసింది. ఏసీబీ కోర్టులో దాఖలు చేసిన చార్జిషీట్‌లో ప్రథమ నిందితుడిగా నారా చంద్రబాబు, రెండో నిందితుడిగా వేమూరి హరికృష్ణ, మూడో నిందితుడిగా కోగంటి సాంబశివరావు నమోదు చేసింది. 2019కి ముందు టీడీపీ ప్రభుత్వ హయాంలో జరిగిన అవకతవకల్లో ఫైబర్ నెట్ కుంభకోణం ఒకటి. కేంద్ర ప్రభుత్వ నిధులతో చేపట్టిన ఫైబర్ నెట్ ప్రాజెక్టులో అప్పటి అధికార పార్టీ అవినీతికి పాల్పడినట్లు ఆరోపణలు ఉన్నాయి.

రూ.2000 కోట్ల విలువైన ఈ ప్రాజెక్టు తొలి దశలో రూ.333 కోట్ల విలువైన పనుల్లో చోటు చేసుకున్న అక్రమాలను సీఐడీ స్పెషల్ ఇన్వెస్టిగేషన్ టీం (సిట్) వెల్లడించింది. అప్పటి సీఎం చంద్రబాబు, నాటి మంత్రి నారా లోకేష్ లకు సన్నిహితుడైన వేమూరి హరికృష్ణకు చెందిన ‘టెరా సాఫ్ట్’ కంపెనీకి టెండర్లు కట్టబెట్టారని సీఐడీ పేర్కొంది.