YCP | వైసీపీకి మరో షాక్‌.. త్వరలో టీడీపీలో చేరనున్న మండలి డిప్యూటీ చైర్‌పర్సన్‌ ?

YCP | ఆంధ్రప్రదేశ్‌లో జరిగిన సార్వత్రిక ఎన్నికల్లో ఘోర ఓటమి పాలైన వైసీపీకి వరుస షాక్‌లు తగులుతున్నాయి.

అమరావతి : ఆంధ్రప్రదేశ్‌(Andhra Pradesh) లో జరిగిన సార్వత్రిక ఎన్నికల్లో ఘోర ఓటమి పాలైన వైసీపీ(YCP) కి వరుస షాక్‌లు తగులుతున్నాయి. రాష్ట్రంలో అధికార మార్పిడి జరిగిన రెండు నెలల్లోనే వైసీపీకి చెందిన పలువురు కూటమి పార్టీలైన టీడీపీ(TDP), జనసేన(Janasena) లో చేరుతున్నారు.

తాజాగా ఏపీ శాసన మండలిలో డిప్యూటీ చైర్‌పర్సన్‌గా ఉన్న వైసీపీ నాయకురాలు జకియా ఖానమ్(Jakia Khanam) కుటుంబ సభ్యులతో కలిసి మంత్రి, టీడీపీ జాతీయ అధ్యక్షుడు నారా లోకేష్‌(Minister Nara Lokesh) ను శుక్రవారం కలువడం ప్రాధాన్యం సంతరించుకుంది. ఇప్పటికే ఆమె టీడీపీ సీనియర్‌ నాయకుడు, మంత్రి ఫరూఖ్‌తో సమావేశమై టీడీపీ చేరే అంశం చర్చించినట్లు సమాచారం.

అప్పటి ముఖ్యమంత్రి వైఎస్‌ జగన్‌ సూచనల మేరకు 2020 జులై 29న గవర్నర్‌ కోటాలో ఎమ్మెల్సీగా ఎన్నికైన జకియా 2021 నవంబర్‌ 21న ఏపీ శాసన మండలి డిప్యూటీ చైర్‌పర్సన్‌గా ఏకగ్రీవంగా ఎన్నికయ్యారు. నెల్లూరు జిల్లాకు చెందిన మాజీ ఎమ్మెల్యే ఒకరు రెండు రోజుల క్రితం వైసీపీని వీడుతున్నట్లు ప్రకటించారు. వైసీపీకి చెందిన కొందరు పెద్దల వ్యవహారం తీరుకు మనస్తాపానికి గురయ్యారు. విశాఖపట్నంలోనూ సుమారు 20 మంది వైసీపీ కార్పొరేటర్లు సైతం పార్టీకి రాజీనామా చేసి టీడీపీ, జనసేనలో చేరారు.

Read more : 

YS Jagan | నారా లోకేశ్‌ రెడ్‌బుక్‌పై వైఎస్‌ జగన్ కీలక వ్యాఖ్యలు

Somireddy Chandra Mohan Reddy | ప్రతిపక్షంలో ఉండే ధైర్యం జగన్‌కు లేదు.. టీడీపీ ఎమ్మెల్యే సోమిరెడ్డి సంచలన వ్యాఖ్యలు